मन्थली नगरपालिकामा च्यातेको माईन्युट टाले

अर्थ प्रदेश ३ बिशेष समाज

रामेछाप । दुई हप्ता अघि मन्थली नगरपालिकाका प्रमुख र प्रशासकिय अधिकृतले एकलौटी ढंङ्गले विकास रकम बाडफाँड गरेको भन्दै पालिकाको बैठकमा सदस्यहरुले च्यातेको माईन्युट नगरपालिकाले पुनः टालटुल पारेको छ ।

कार्यपालिकाको बैठक नै नबसी पालिकाका प्रमुख रमेश बस्नेतले प्रमुख प्रशासकिय अधिकृत लिलाराज पौडेल बिच तालमेल गरेर बागमती प्रदेश र संघीय सरकारवाट आएको करिव ५ करोड रुपैयाँ वजेटवाट आफ्ना आसेपासे र कार्यकर्तालाई स–साना टुक्रे योजना बितरण गरेका थिए । बितरण गरेको रकम अनुमोदन गर्ने गरी गत चैत्र २९ गते कार्य पालिकाको बैठक आव्हान गरिएको थियो ।

सो बैठकमा पालिकाका प्रमुख रमेश वस्नेत र प्रमुख प्रशासकिय अधिकृत पौडेलले आफुखुसी वजेट वाडफाँड गरेको भन्दै कार्यपालिकाका सदस्यहरुले माइन्युट च्यातच्युत पारेका थिए । सदस्यहरुले माइन्युट च्यातेपछि वैठक अवरुद्ध भएको थियो । वजेट कार्यपालिकाको वैठकवाट निर्णय नै नगराई केही योजना सम्झौता गरेर काम सम्पन्न भएर भुक्तानी दिइसकेकाले आफु समस्यामा पर्ने भएपछि प्रमुख प्रशासकिय अधिकृत पौडेलले कार्यपालिकाका सदस्यहरुसँग रोई कराई गरेर हारगुहार मागेका थिए ।

बितरण गरिएको कतिपय टुक्रे योजनाको काम सम्पन्न भई योजनाको रकम समेत भुक्तानी गरिसकेको छ । कानुन विपरित एकलौटी ढङ्गले वजेट बितरण गरेर समस्या परेपछि कार्यपालिकाका सदस्यहरुसँग नगरपालिकाका प्रमुख रमेशकुमार वस्नेत र प्रमुख प्रशासकिय अधिकृत लिलाराज पौडेलले माफी मागेपछि केही दिनअघि पुनः कार्यपालिकाको बैठक बसेको हो ।

कार्यपालिकाको वैठकमा च्यातिएको माइन्युट टालटुल पारेर त्यही माइन्युटमा उपस्थिती उठाएर भुक्तानी दिन वाँकी रहेका सवै योजनाको रकम भुक्तानी दिने गरी निर्णय भएको कार्यपालिकाका एक सदस्यले बताए ।

Facebook Comments Box