उम्मेदवार परिवर्तन गरेर उम्मेदवारी दर्ता

प्रदेश ३ राजनीति समाज

रामेछाप । मन्थली नगरपालिकाको प्रमुख र उप–प्रमुख पदमा उम्मेदवार वनेका व्यक्ति पछि हटेपछि माओवादी केन्द्र र एकीकृत समाजवादी गठवन्धनले उम्मेदवार परिर्वतन गरेर उम्मेदवारी दर्ता गराएको छ ।
पाँच दलिय गठवन्धन गरेर निर्वाचन जाने तयारी गरेपनि गठवन्धनबिच तालमेल नमिल्दा नेपाली काँग्रेस एक्लै निर्वाचनमा भाग लिएको छ । काँग्रेस एक्लै निर्वाचन होमिएपछि नेकपा माओवादी केन्द्र र एकीकृत समाजवादी पार्टी बिच तालमेल गरेर मन्थली नगरपालिकाको प्रमुखमा संंविधानसभा सदस्य तारानारायण श्रेष्ठ र उप–प्रमुखमा मन्जु माझीलाई उम्मेदवार बनाएको थियो ।
गठवन्धनले उम्मेदवार तयार गरेपनि अन्तिममा उम्मेदवारी दर्ता गर्ने समयमा उम्मेदवार वनेका संविधानसभा सदस्य तारानारायण श्रेष्ठ र उप–प्रमुख पछि हटेपछि उनीहरुको ठाउँमा नेकपा माओवादी केन्द्रवाट दीपक प्रसाई र उप–प्रमुखमा एकीकृत समाजवादीका कृष्णवहादुर थापाले उम्मेदवारी दर्ता गराएका छन् ।
त्यसैगरी मन्थली नगरपालिकामा नेपाली काँग्रेसको तर्फवाट प्रमुख पदमा बिनोद कार्की र उप–प्रमुख पदमा यशोदा श्रेष्ठले उम्मेदवारी दर्ता गराएका छन् । त्यस्तै नेकपा एमालेको तर्फवाट प्रमुुखमा लव श्रेष्ठ र उप–प्रमुखमा ईश्वर बस्नेतले आफ्नो उम्मेदवारी दर्ता गराएका छन् । त्यस्तै रामेछाप नगरपालिकामा नेपाली काँग्रेसको तर्फवाट प्रमुखमा लवश्री न्यौपाने र उप–प्रमुख पदमा वाला कार्कीले उम्मेदवारी दर्ता गराएका छन् ।
त्यस्तै नेकपा एमालेको तर्फवाट रामेछाप नगरपालिकाको प्रमुखमा रोशन पाख्रिन र उप–प्रमुखमा सिता केसीले उम्मेदवारी दर्ता गरेकी छिन् । त्यस्तै प्रमुखमा नेकपा माओवादी केन्द्रका नरेश बाबु श्रेष्ठ र उप–प्रमुखमा ढाल बिक्रम कार्की एकीकृत समाजवादी वाट उम्मेदवारी दर्ता गराएका छन् ।
जिल्लाका अन्य ६ वटा स्थानिय तहमा पनि उम्मेदवारी दर्ता गराउने क्रम चलिरहेको मुख्य निर्वाचन कार्यालय रामेछापले जनाएको छ । निर्वाचनमा उम्मेदवारी दिने उम्मेदवारहरुलाई आलोपालो प्रणाली अनुसार उम्मेदवारी दर्ता गराउने समय तोकिएकाले आज साँझसम्म उम्मेदवारी दर्ता हुने जनाइएको छ ।

Facebook Comments Box