एमालेबाट स्थानिय तहको प्रमुख पदमा क–कसको छ दाबी

प्रदेश ३ राजनीति समाज

रामेछाप । यहीँ वैशाख ३० गते हुने स्थानिय तहको निर्वाचनमा नेकपा एमाले रामेछापवाट प्रमुख पदमा दाबी गर्नेहरुको संख्या धेरै रहेको छ ।

निर्वाचनको मिति नजिकीदै जाँदा स्थानिय तहको निर्वाचनमा प्रमख पदमा दावेदार गर्नेको संख्या बढेपछि नेकपा एमाले रामेछापले पार्टीभित्र आन्तरिक छलफललाई तिव्रता दिएको छ । जिल्लामा पाँच दलिय गठवन्धन हुने भएपछि एमाले भित्रवाट कसलाई पालिकाको प्रमुख पदमा उठाउने भन्ने बिषयलाई लिएर पार्टीभित्र आन्तरिक छलफल चलिरहेको नेकपा एमालेका एक नेताले जानकारी दिए ।

नेकपा एमाले रामेछापले पुरानो सदरमुकाम रामेछापमा रहेको रामेछाप नगरपालिकाको प्रमुखमा सर्वसम्मत रुपमा रोशन पाख्रिन र उप–प्रमुखमा सिता केसीलाई यसअघि नै घोषणा गरिसकेको छ । बाँकी अन्य सातवटा स्थानिय तहमा उम्मेदवारका आकाक्षीं धेरै भएकाले कसलाई उम्मेदवार बनाउँदा निर्वाचन जितिन्छ भन्ने बिषयमा एमालले दैनिक जसो गहन छलफल चलाउँदै आएको छ ।

स्थानिय तहको निर्वाचनमा जिल्लाकै ठूलो मन्थली नगरपालिकाको प्रमुख पदमा नेकपा एमाले रामेछापका जिल्ला अध्यक्ष आनन्द श्रेष्ठले दावी गरेका छन् । त्यस्तै सोही पदमा एमाले नेताहरु लव श्रेष्ठ, उज्जल सुवेदी, ध्रुव कुमार कार्की, माया कार्की र कृष्णहरी अधिकारी समेतले उक्त पदमा दाबी गर्दै आएका छन् ।

त्यसैगरी उमाकुण्ड गाउँपालिकाको प्रमुखमा हालका पालिका प्रमुख शेरवहादुर सुनुवार र चित्र वहादुर कार्कीले दावी गर्दै आएका छन् । त्यस्तै गोकुलगंगा गाउँपालिकाको प्रमुख पदमा हालका पालिका प्रमुख खडगवहादुर सुनुवार, बृद्धि वहादुर कार्की र अर्जुन कार्कीले आ–आफ्नो दाबी गर्दै आएका छन् ।

यस्तै लिखु तामाकोशी गाउँपालिकामा सबैभन्दा बढीको दाबी रहेको छ । जसमा हाल पालिकाकी उपाध्यक्ष दीपशिखा दाहालले आफुले पाउनु पर्ने बताएकी छिन् । यसवाहेक एमालेका नेताहरु दुर्गा वहादुर श्रेष्ठ, कमल कडेरीया, भोजराज कडेरीया, पुरुषोत्तम कडेरिया, उद्धव कडेरिया, आशवहादुर तामाङ्ग, केशर पौडेल, रमेश वाग्ले, जगन्नाथ दाहाल र बिष्णु बस्नेतले प्रमुख पदमा दावी गर्दै आएका छन् ।

त्यसैगरी दोरम्वा शैलुङ्ग गाउँपालिकाको प्रमुख पदमा दाबी गर्नेहरुमा प्रेम लामा, कोमल ढुंगेल, तुला प्रसाद कँडेल, दानवहादुर थापा र मिलन घिसिङको नाम चर्चामा रहेको छ । त्यस्तै सुनापति गाउँपालिकाको प्रमुख पदमा नेकपा एमालेबाट ज्ञान कुमार योन्जन र राजकुमार मैनालीले दाबी गर्दै आएका छन् ।

यसवाहेक खाँडादेवी गाउँपालिकाको प्रमुख पदमा हालका पालिका प्रमुख प्रेमबहादुर तामाङ्ग, ज्ञानकुमार श्रेष्ठ र इन्द्र वहादुर तामाङ्गले दाबी गर्दै आएका छन् । पालिका प्रमुखमा दाबी गर्नेको संख्या धेरै भएकाले उम्मेदवारको टुङ्गो लगाउन एमालेलाई सकस पैदा भएको छ ।

Facebook Comments Box