जनप्रतिनिधिले गरे निर्वाचन कार्यालयको पत्रलाई बेवास्था

प्रदेश ३ बिशेष राजनीति समाज

रामेछाप । नागरिकहरुको मतदान प्रक्रियामा नाम एकिन गर्न जिल्ला निर्वाचन कार्यालय रामेछापले गरेको पत्राचारलाई स्थानिय तहका जनप्रतिनिधिहरुले वेवास्था गरेका छन् ।

आगामी बैशाख ३० गते हुने स्थानिय तहको निर्वाचनको लागि मतदाता नामावली अभिलेखीकरण गर्नको लागि २०७४ साल यता मृत्यु भएका व्यक्तिको बिवरण माग गर्न निर्वाचन कार्यालय रामेछापले मिति २०७८÷११÷१९ गते गरेको पत्राचार गरेको थियो । निर्वाचन कार्यालयले गरेको उक्त पत्रलाई स्थानिय तहका जनप्रतिनिधिहरुले वेवास्था गरेका हुन् । जिल्ला निर्वाचन कार्यालयले मतदाता नामावलीवाट मृत्यु भएका व्यक्तिहरुको अभिलेख जिल्लाका ८ वटै स्थानिय तहमा माग गरेको थियो ।

स्थानिय तहलाई गरेको पत्राचार मध्ये मन्थली नगरपालिकाको २ वटा वडा, रामेछाप नगरपालिकाको १ वटा वडा, उमाकुण्ड गाउँपालिकाले १ वटा वडा र गोकुलगंगा गाउँपालिकाले १ वटा वडाको मात्रै अभिलेख पठाएका छन् । जसमध्ये मन्थली नगरपालिका–५ वाट १५ जना र वडा नं–७ वाट १६ जनाको मृत्यु भएकाले मतदाता नामावलीवाट विवरण हटाउन पत्राचार गरेका छन् ।

यसवाहेक रामेछाप नगरपालिका–८ वाट १७ जना, गोकुलगंगा गाउँपालिका–६ वाट १८ जना र उमाकुण्ड गाउँपालिका–३ वाट ११ जना गरी कुल ७७ जनाको नाम मतदाता नामावलिवाट हटाइएको जिल्ला निर्वाचन कार्यालय रामेछापका निर्वाचन अधिकृत मधुकर शाहले जानकारी दिए । उनले भने– आगामी बैशाख ३० मा हुने स्थानिय तहको निर्वाचनको लागि मृत्यु भएका व्यक्तिहरुको नामावली सहितको विवरण उपलव्ध गराउन पत्राचार गरे पनि स्थानिय तहका जनप्रतिनिधिले विवरण उपलव्ध नगराउँदा मृत्यु भएका व्यक्तिहरुको नाम हटाउन नसकिएकोे निर्वाचन अधिकृत शाहले बताए ।

निर्वाचन कार्यालयले मृत्यु भएका व्यक्तिहरुको विवरण माग गरेको पत्र कार्यालयमा प्राप्त भएको र पत्र अनुसार विवरण पठाउन कर्मचारीलाई निर्देशन दिएता पनि अहिलेसम्म उक्त विवरण नपठाएको भेटिएकाले तत्काल उक्त विवरण पठाउन निर्देशन दिएको सुनापति गाउँपालिकाका प्रमुख धावा लामाले जानकारी दिए ।

मृत्यु भएका मतदाताहरुको विवरणको सम्वन्धमा अहिलेसम्म गाउँपालिकाले वडा कार्यालयमा पत्राचार समेत नगरेका कारण आफुहरुलाई यस बिषयमा कुनै जानकारी नै नभएको दोरम्वा शैलुङ्ग गाउँपालिका–६ का वडा अध्यक्ष अम्बिका प्रसाद गजुरेलले जानकारी दिए । उनले भने– निर्वाचन कार्यालयले गाउँपालिकामा पत्राचार गरेको भए पनि गाउँपालिकाले वडामा कुनै पत्राचार वा टेलिफोन केही नगरेकाले हामीलाई यस बिषयमा अनविज्ञ रहेको अध्यक्ष गजुरेलले बताए ।

निर्वाचन कार्यालयले मतदाताको विवरण कायम गर्दा मृत्यु भएका मतदाताहरुको समेत नाम समावेश भएकाले फर्जी मत खस्न सक्ने धेरै सम्भावना भएको मन्थली नगरपालिका–४ सालुका मदन अधिकारीले जानकारी दिए । उनले भने– मरेका मान्छेको समेत नाम हटाउन नसक्ने निर्वाचन कार्यालयले के निश्पक्ष निर्वाचन गराउँला उनले एल्टै प्रतिप्रश्न समेत गरे । निर्वाचनको समयमा रामेछापका अधिकासं मतदान स्थलवाट मृत्यु भएकाहरुको नामवाट अन्य व्यक्तिले फर्जी मत खसाल्न सक्ने सम्भावना धेरै भएको पनि अधिकारीले बताए ।

स्थानिय तहका निर्वाचित जनप्रतिनिधिहरु नागरिकहरु प्रति संवेशनशिल नभएको आरोप स्थानिय नागरिक अगुवाहरुले लगाएका छन् । निर्वाचित जनप्रतिनिधिहरु आगामी स्थानिय तहको निर्वाचनमा पनि आफ्नो पार्टीलाई जिताउने नाममा फर्जी मत खसाल्न पाइन्छ भन्ने उद्धेश्यले मृत्यु भएका नागरिकहरुको अभिलेख निर्वाचन कार्यालयमा नपठाएको हुनसक्ने आशंका उब्जिएको नागरिक समाजका अगुवा बिरेन्द्र श्रेष्ठले बताए ।

Facebook Comments Box