समाजका अगुवा हरुबाटै जातिय विभेद ःसरोकारवाला

प्रदेश ३ समाज

रामेछाप । समाजमा अहिले पनि जातिय विभेद कायमै रहेको सरोकारवालाहरुले बतएका छन् । मन्थली नगरपालिकाको वडा नं ६ को कुनाउरिमा राष्टिय मानब अधिकार आयोगद्धारा आयोजित अन्र्तक्रिया कार्यक्रममा सहभागि सरोकारवालाहरुले सो कुरा बताएका हुन् ।
मन्थली नगरपालिकाका नगर प्रमुख रमेशकुमार बस्नेतले समाजका अगुवा हरुबाटै जातिय विभेद हुने गरेको बताएका छन् । मन्थली नगरपालिकाको वडा नं ६ को कुनाउरिमा राष्टिय मानब अधिकार आयोगद्धारा आयोजित अन्र्तक्रिया कार्यक्रममा बोल्दै नगर प्रमुख बस्नेतले अहिले पनि समाजका अगुवा हरुबाटै जातिय विभेद हुने गरेको बताएका हुन् । नगर प्रमुख बस्नेतले कार्यक्रममा बोल्दै समाजका अगुवाहरुले ठुला ठुला कुरा गर्ने अनी ब्यवारमा लागु नगर्ने गरेको बताए ।  उनले लामो समय देखि आफु परिवर्तनका लागि लडेको स्मरण गर्दे अहिले पनि समाजमा जातिय बिभेद कायमै रहेकोले यस्तो छुट कसैलाई नभएको बताएका छन् ।
नगरप्रमुख बस्नेतले संघियताको कार्यान्वयनको पाँच बर्ष पुरा भैसक्दा पनि समाजमा जातिय छुवा छुत कायमै रहेको भन्दै यसले मुक्ति पाउन एक सय बर्ष लाग्ने पनि बताए । प्रमुख बस्नेतले कानुन भन्दा माथि उठ्ने छुट कसै लाई पनि नभएकोले कसैलाइ पनि त्यतिकै छोड्न नहुने बताएका छन् ।


कार्यक्रममा नेपाल बार एसोसियसनका जिल्ला अध्यक्ष विचार सिंह दोङ्गले राज्य पक्ष र नागरिक अगुवाहरु बाटै जातिय विभेद गरेको भन्दै यसका विरुद्ध सबै क्षेत्रले आबाज उठाउनु पर्ने पनि बताए । कार्यक्रममा नेपाल पत्रकार महासंघ रामेछापका अध्यक्ष बद्री नयाँघरेले जातिय छुवा छुतका घटना घट्नुमा समाजका सबै पक्षका अगुवाहरुको पनि उत्तिकै हात रहेकोले यसको न्युनिकरणका लागि सबै ईमान्दार हुनु पर्ने बताएका थिए ।
कार्यक्रममा मानब अधिकारकर्मि एबं पत्रकार हिमाल ढुंगेलले भलुवाजोरमा भएको पछिल्लो घटनाले समाजमा जातिय छुवा छुतको अबस्थलाई उदाँगो बनाएको बताए । कार्यक्रममा आयोगका प्रतिनिधिहरुले नेपालमा जातिय छुवाछुतको अबस्था र कानूनी अबस्थाको बारेमा जानकारी गराएका थिए । सो अबसरमा अधिकारकर्मि गम्भिर विकले जातिय विभेदका लागि कानुनमा कडाई भएको भएपनि ब्यवहारमा हुने जातिय छुवा छुतले आम दलितहरुको आत्मा सम्मानमा चोट पुगेको बताए
जातीय बिभेद सम्बन्धी सम्यन्त्र र बर्तमान अबस्था बिषयक अन्तरक्रिया कार्यक्रममा प्रशासन कार्यालयका प्रशासकिय अधिकुत सुनिता थापा, कार्यक्रममा आयोजक संस्था राष्टिय मानब अधिकार आयोगका प्रतिनिधिहरु अधिकारकर्मि गोपाल नेपाली,लेख बहादुर विक लगाएतका सरोकारवालाहरुले पनि आ आफनो धारणा राखेका थिए । कार्यक्रममा सहभागी सरोकारवालाले समाजमा अहिले पनि जातिय विभेद कायमै रहेको बतएका छन् ।

Facebook Comments Box