सांसद श्रेष्ठले गरे वडा कार्यालय भवन उद्घाट्न

प्रदेश ३ समाज

रामेछाप । जिल्लाको सुनापति गाउँपालिका–५ खनियानी वडा कार्यालयको सुविधा सम्पन्न चार कोठे पक्की भवनको उद्घाटन पूर्व गृहराज्य मन्त्री एवं सांसद श्याकुमार श्रेष्ठले गरेका छन् ।

सांसद श्रेष्ठले शनिवार एक कार्यक्रमका बिच उक्त भवनको उद्घाटन गरेका हुन् । सुनापति गाउँपालिकाले वडा कार्यालय भवन निमार्णको लागि १ करोड ५८ लाखको लागतमा उक्त भवन सम्पन्न भएको हो । वडा कार्यालयको आफ्नै भवन नहुँदा व्यक्तिको घर भाडा लिएर कार्यालय संचालन हुँदै आएको थियो । वडा कार्यालयको सुविधा सम्पन्न भवन निमार्ण भएपछि कार्यालयको दैनिक हुने प्रशासनिक काममा सहजता हुने अपेक्षा पालिकाले लिएको सुनापति गाउँपालिकाका प्रमुख प्रशासकिय अधिकृत कमला राज श्रेष्ठले जानकारी दिए ।

५ वटा वडा कार्यालय रहेको सुनापति गाउँपालिकामा सवै वडाहरुमा आधुनिक भवन निमार्ण गर्न पालिकाले आवश्यक वजेट विनियोजन गरेको छ । पालिकाले प्रदान गरेको वजेटवाट वडा नं १,२ र ३ मा वडा कार्यालय भवन निमार्ण भइरहेको र केही दिनमा नै उक्त भवनको पनि उद्घाटन गर्ने कार्यक्रम रहेको सुनापति गाउँपालिकाका प्रमुख धावा लामाले जानकारी दिए ।

Facebook Comments Box