ट्राफिक व्यवस्थापनमा सुधार गर्छु– श्रेष्ठ

प्रदेश ३ समाज

रामेछाप । रामेछापको ट्राफिक व्यवस्थापनलाई सुधार गरी नमुना योग्य शहर बनाउने बिषयमा आफु गम्भिर भएर लाग्ने जिल्ला ट्राफिक प्रहरी कार्यालयका प्रमुख प्रहरी नायव निरीक्षक चन्द्रकुमार (फाजु) श्रेष्ठले जानकारी दिए ।

एकहप्ता अघि काभ्रेको वनेपाबाट सरुवा भएर रामेछापको ट्राफिक प्रहरी प्रमुखको रुपमा रामेछापमा हाजिर भएका श्रेष्ठले सदरमुकाम मन्थलीको ट्राफिक व्यवस्थापनमा आफु गम्भिर भएर लाग्ने बताए । उनले भने– ब्यस्त वजार र साँघुरो सडकका कारण कार्यालय समयको बेला काठमाण्डौं देखी सवारीसाधनहरु पनि आइपुग्ने र वजारमा सवारीसाधनको बढी चाप हुने भएकाले केही समय व्यवस्थापनमा कठिनाई हुने गरेको छ । यसलाई सहजता बनाउन आफुले योजना नै बनाएर सम्वन्धित निकायका पदाधिकारीको वैठक राखेर काम अघि वढाउने ट्राफिक प्रमुख श्रेष्ठले बताए ।

पहिलो चरणमा मन्थली नगरपालिका, वडा कार्यालय, उद्योग वाणिज्य संघ र पत्रकार महासंघ लगाएतका सरोकार निकायसँग छलफल गरेर ट्राफिक व्यवस्थापनमा सुधार गर्ने योजना प्रमुख श्रेष्ठले अघि सारेका छन् । पहिलो चरणमा पैदल हिडेर विद्यालय जाने वालवालिकाहरुलाई सडकको पेटीवाट हिड्न सिकाउने, पैदल यात्रीलाई सडक क्रस गर्दा जेव्राक्रसवाट मात्रै सडक काट्न सिकाउने र विद्यालयमा गएर वालवालिकाहरुलाई ट्राफिक नियमको विषयमा जानकारी गराउने जस्ता कार्यहरु गर्ने सो कार्यालयले जनाएको छ ।

त्यसैगरी वजारमा पार्किङ्गको अभाव हुँदा वैंक तथा वित्तिय संस्थामा काम लिएर आउने नागरिकले सहजताका साथ सेवा लिन नपाएको, मोटरसाइकल सडकमा रोकेर पसलमा केही सामानहरु समेत किन्न नपाएको भन्ने नागरिकको गुनासोलाई सम्बोधन गर्दै सडकको दुईतर्फी मोटरसाइकल पार्किङ्ग गर्न दिने गरी योजना अघि सारिएको छ । जसमा सडकको तल्लो भागमा १५ दिन र सडकको माथिल्लो भागमा १५ दिन मोटरसाइकल राख्न दिदा सबै नागरिकलाई सहज हुने देखिएकाले त्यही अनुसारको प्रस्ताव आफुले वैठकमा राख्ने ट्राफिक प्रमुख श्रेष्ठले जानकारी दिए ।

त्यस्तै सरकारी कार्यालय र विद्यालय खुल्ने र बन्द हुने समयमा सडकमा यातायातका साधनलाई पार्किङ्ग गर्न नदिने र मालवाहक सवारी साधनलाई पनि विहान र वेलुका मिलाएर मात्रै सामान अनलोड र लोड गर्न दिने गरी योजना अघि बढेको छ । हाल मन्थलीको तामाकोशी अस्पताल देखी कृषि विकास बैंकसम्मको सडक यरिमा वढी मात्रामा ट्राफिक जाम हुदै आएको छ ।

ट्राफिक व्यवस्थापनमा आवश्यक सहयोग चाहिएमा थप सहयोग गर्न आफुहरु तयार भएको देवकोटा टोलसुधार समितिका अध्यक्ष सुरेश उदासले जानकारी दिए । उनले भने– वजारको ट्राफिक व्यवस्थापनमा सुधार गर्न र चुस्त दुरुस्त राख्न टोलसुधार समितिले के गर्नुपर्छ । ट्राफिक प्रहरीलाई आवश्यक परेको सहयोग सबै गर्न टोलसुधार समिति तयार रहेको अध्यक्ष श्रेष्ठले बताए ।

Facebook Comments Box