एमसीसी खारेजीको माग गर्दै रामेछापमा समाजवादीको विरोध

प्रदेश ३ राजनीति समाज

रामेछाप । जिल्ला सदरमुकाम रामेछापमा नेकपा एकीकृत समाजवादीले अमेरिकी सहयोग मिलिनियम च्यालेन्ज कर्पोरेसन (एमसीसी) खारेजीको माग गदै विरोध प्रदर्शन गरेको छ । समाजवादिले सरकारले एमसीसी पास गर्ने नीति अनुरुप संसदमा टेबल गर्ने योजना अगाडि बढाएपछि सत्तारुढ दल एकीकृत समाजवादी आन्दोलित बनेका हुन ।
सरकारले एमसीसी अगाडि बढाउने गृहकार्य शुरु गरेसंगै नेकपा (एस)ले देशव्यापी रुपमा आन्दोलनको घोषणा गरेको छ । घोषित कार्यक्रम अनुसार नेकपा (एस)ले आइतवार सदरमुकाम मन्थलीमा एमसीसी खारेजीको माग गर्दै विरोध प्रदर्शन गरेको हो ।

पार्टी कार्यालयबाट निकालिएको विरोध र्याली देवकोटा चोकमा पुगेर कोण सभामा परिणत भएको थियो । एमसीसी सम्झौता खारेज गर, राष्ट्रिय स्वाधिनताको रक्षा गरौं, अमेरिकी साम्रराज्य मूर्दावाद लगायतका नारा लगाएर एकीकृत समाजवादीले विरोध जनाएको हो । नेकपा (एस)का पोलिटब्यूरो सदस्य एवं रामेछापका इन्जार्च देवकशंर पौडेलसहितको सहभागीता रहेको विरोध प्रदेशपछिको कोणसभालाइ सम्बोधन गर्दै नेकपा (एस)का जिल्ला अध्यक्ष रमेश कुमार बस्नेतले एमसीसी सम्झौता राष्ट्रघाती रहेकाले कुनै पनि हालतबाट पारित गर्न नहुने बताए ।

Facebook Comments Box