पर्यटनको आर्कषक केन्द्र भालुखोपः नगरप्रमुख मगर

अर्थ प्रदेश ३ समाज

रामेछाप । जिल्लाको रामेछाप नगरपालिकामा रहेको भालुखोप डाँडा पर्यटनको आर्कषणको केन्द बन्ने रामेछाप नगरपालिकाका नगर प्रमुख नर बहादुर थापामगरले बताएका छन् । भालुखोपमा नव निर्मित भ्युटावरको उद्घाटन पछी कुरा गदै नगरप्रमुख मगरले भालुखोपलाई पर्यटनको आर्कषकको केन्द्र बनाउन आफु लागी पर्ने बताएका छन् । नगरको मात्र नभएर जिल्लाकै सबै भन्दा बढी पर्यटन क्षेत्रमा आर्कषणको केन्द्र बनाएर पर्यटन भित्रयाउने खालको कार्यक्रम ल्याउने नगरप्रमुख मगरले बताए । पर्यटन प्रर्बदनको लागी आवश्यक पुर्बाधार निर्माण भइरहेको र अझ स्थानिय नागरिक संग समन्वय गरेर आवश्यक सहयोग गर्ने नगरप्रमुख मगरले बताए । भ्युटावर सम्म जान सडक कालोपत्रेको कामशुरु भएको आर्कषक सेडिँ निर्माण समेत भएको र ८० प्रतिशत नगरको लगानीमा होमस्टे सञ्चालनमा समेत ल्याइसकेको बताएका छन् । अब आवश्यक पुर्बाधार निर्माणमा नगरपालिका लागी पर्ने बताएका छन् ।
नगरपालिको वडा नं ६ र ७ को संगमस्थल भालुखोप डाँडामा निर्माण भएको रामेछाप भ्युटावरको मंगलबार उपप्रमुख सृजना खड्का,प्रमुख प्रशासकिय अधिकृत रामचन्द्र लामगादे,रामेछाप नगरपालिकाका कर्मचारीहरु र स्थानियको उपस्थितीमा रुद्रि पुजा लगाएर उद्घाटन गरिएको थियोे ।
रामेछाप नगरपालिकाको पर्यटकिय स्थलको रुपमा रहेको भालुखोप डाँडामा भ्युटावर बनेँसँगै पर्यटकहरुको भिड लाग्ने गरेको छ । रामेछाप नगरपालिकाको गौरवको आयोजनाको रुपमा रहेको भ्युटावर निर्माण सम्पन्न भएलगतै आन्तरीक पर्यटकहरु भ्युटावर घुम्न आउन थालेका छन ।
भालुखोप भ्युटावरबाट पोकली झरना,जानकी मन्दिर,तारकेश्वर महादेव मन्दिर,गणेशटार मन्दिर सहित रामेछाप,सिन्धुली तथा ओखलढंगाका विभिन्न भू–भागहरुको दृश्यअवलोकन गर्न सकिने वडा नं ७ का वडाअध्यक्ष समिर कार्कीले बताए । रामेछाप नगरपालिकाको १ करोड ४१ लाख लागतमा सुनकोशी कन्स्ट्रकसन नेपाल प्रालिले उक्त भ्युटावर निर्माण गरेको हो ।

Facebook Comments Box