रामेछापमा शुक्रबार २५ जनामा कोरोना पुष्टि

प्रदेश ३ स्वास्थ्य

रामेछाप । विश्व भरी फैलिएको (कोभिड–१९) कोरोना भाइरस रामेछापमा शुक्रबार मात्रै २५ जना कोरोना सङ्क्रमित पुष्टि भएको छ । शुक्रबार २५ जनामा कोरोना संक्रमण भए सँगै जिल्लामा कोरोनाका सक्रिय सङ्क्रमितको सङ्ख्या ३८ पुगेको छ । नेपालमा कोरोना भाइरस कोभिड–१९ को तेस्रो लहर सुरु भएपछि पुस २४ गते यता शुक्रबार सम्म जिल्लाका विभिन्न पालिकाका गरी ३८ जनामा कोरोना पुष्टि भएको स्वास्थ्य कार्यालय रामेछापले जनाएको छ ।
स्वास्थ्य कार्यालय रामेछापका जनस्वास्थ्य अधिकृत भुवन थापाले शुक्रबार ७ जनाको पीसीआर परीक्षण गर्दा पाँच जना र ५० जनाको एन्टिजेन परीक्षण गर्दा २० जनामा कोरोना सङ्क्रमण पुष्टि भएको बताएका छन् । थापाले मन्थली नगरपालिकामा ७ जना, रामेछाप नगरपालिकामा ११ जना, उमाकुण्ड गाउँपालिकामा ५ जना, खाँडादेवी गाउँपालिकामा ९ जना, गोकुलगङ्गा गाउँपालिकामा ४ जना र लिखुतामाकोसी गाउँपालिकामा २ जना सक्रिय सङ्क्रमित रहेको बताएका छन् । उनका अनुसार सबै संक्रमितहरु होम आइसोलेशनमा रहेका छन् । उनीहरु सवैलाई एन्टिजेन परीक्षण गरिएको थियो । जनस्वास्थ्य अधिकृत थापाका अनुसार जिल्लामा अहिलेसम्म एक लाख १० हजार ७ सय १७ जनाले कोरोना विरुद्धको पहिलो मात्राको खोप लगाएका छन् भने ६२ हजार ४६९ जनाले कोरोना विरुद्धको पूर्णमात्रा खोप लगाइसकेका छन् ।

Facebook Comments Box