श्रोत बीउ प्रमाणिकरण सम्वन्धी गोष्ठि सम्पन्न

कृषि प्रदेश ३

रामेछाप । जिल्ला स्तरमा श्रोत बीउ प्रमाणिकरण तथा नियन्त्रण सम्वन्धी अन्र्तक्रिया कार्यक्रम जिल्ला सदरमुकाम मन्थलीमा सम्पन्न भएको छ ।
बीउ विजन प्रयोगशाला, बागमती प्रदेश हेटौडाको आ.व.२०७८÷०७९ को स्वीकृत वार्षिक कार्यक्रम अनुसार कृषि ज्ञान केन्द्र रामेछापको समन्वयमा उक्त कार्यक्रमम सम्पन्न भएको हो । उक्त कार्यक्रममा जिल्लामा बीउ विजनको अवस्था, चुनौती तथा अवसरहरुको बिषयमा सहभागीहरुलाई कृषि ज्ञान केन्द्र रामेछापकी प्रमुख निर्मला गुरुङले जानकारी गराएकी थिइन ।

त्यसैगरी बीउ विजन प्रयोगशालाको कार्यक्रम, कार्यक्षेत्र र बीउ विजनको नियमन र भूमिका, वीउ विजन ऐन, नियमावली र कानुनी प्रावधानका सम्वन्धमा बीउ विजन प्रयोगशाला हेटौडांका प्रमुख कुल प्रसाद दवाडीले सहभागीहरुलाई जानकारी गराएका थिए । त्यस्तै प्रमुख दवाडीले बीउ विजनको बिक्रीवितरण गर्ने व्यक्तिले सम्वन्धीत निकायवाट अनुमती लिएर मात्रै कारोवार गर्नुपर्ने अन्यथा निजलाई कानुन अनुसार कारवाही हुने समेत जानकारी गराए ।

उक्त अन्र्तक्रिया कार्यक्रममा रामेछाप र दोलखाका विभिन्न कृषक समुह÷सहकारी तथा व्यवसायीहरुको सहभागीता रहेको थियो । सहभागीहरुले कृषकहरुले अहिले पनि बीउ विजन खरिदमा समस्या भएको, समयमा बीउ र रासायनिक मल पाउन नसक्दा किसानहरुले भनेको समयमा बाली लगाउन नसकेको भन्दै यसतर्फ सम्वन्धित निकायले ध्यान दिनुपर्ने धारणा राखेका थिए ।


सहभागीहरुले उठाएको बिषयलाई लिएर कृषि ज्ञान केन्द्र रामेछापकी प्रमुख गुरुङ्गले किसानहरुले बीउ खरिद गर्दा नेपाल सरकारवाट आधिकारीक रुपमा दर्ता भएका निकायवाट सूचिकृत भएका जातहरु खरिद गर्न र सोही वमोजीमका बीउहरु लगाउन सहभागीहरुलाई आग्रह गरेकी थिइन ।

कार्यक्रम बीउ विजन प्रयोगशाला हेटौडांका प्रमुख कुल प्रसाद दवाडीको अध्यक्षता र लिखु तामाकोशी गाउँपालिकाकी प्रमुख दिपशिखा दाहालको प्रमुख आतिथ्यतामा सम्पन्न भएको हो । कार्यक्रममा विभिन्न प्राविधिक कर्मचारीहरु र प्रधानमन्त्री कृषि आधुनिकीकरण परियोजनाका प्रमुखको समेत सहभागीता रहेको थियो ।

Facebook Comments Box
ad