आठौं अधिवेशनमा एमाले रामेछापले आर्थिक संकलन नगर्ने

प्रदेश ३ राजनीति

रामेछाप । नेकपा एमाले रामेछापको ८ औं जिल्ला अधिवेशनको नाममा कुनै आर्थिक संकलन नगरि आन्तरिक व्यवस्थापनवाट नै अधिबेशन सम्पन्न गर्ने जनाएको छ ।

एमालेको यहीँ पुस २३ र २४ गते जिल्ला सदरमुकाम मन्थलीमा हुने अधिवेशनको सम्पूर्ण तयारी पुरा भएको सो पार्टीले सोमवार पार्टी कार्यायलमा पत्रकार भेटघाट कार्यक्रमको आयोजना गरि जानकारी गराएको हो । पार्टीको ८ औं जिल्ला अधिवेशनको उद्घाटन पार्टीका जिल्ला इन्चार्ज एवं केन्द्रीय सदस्य कैलाश प्रसाद ढुंगेलले गर्ने तय भएको पार्टी प्रचार विभाग प्रमुख प्रकाश कुमार कार्कीले जानकारी दिए ।

जिल्ला अधिवेशनको लागि एमालले पुस १७ गते एकैदिन सवैको वडा भेला सक्ने र १८ गते सबै पालिकाको भेला सकेर प्रतिनिधि चयन गर्ने भएको छ । अधिवेशनमा जिल्लाका ८ वटै स्थानिय तहका गरि करिव ७ सय प्रतिनिधिहरु सहभागी हुने छन् । प्रतिनिधि छनौट गर्दा उत्पीडित सदस्यको संख्या घटाई प्रत्येक वडामा ५० लाई आधार संख्या मानी त्यसवाट खुल्ला २ र महिला १ गरि तीन जनाको प्रतिनिधित्व हुने छ ।

त्यस्तै ५० सदस्यको १ खुल्ला र त्यसपछिको ५० मा महिला प्रतिनिधि सहभागी हुनेछन् । त्यस्तै जनवर्गिय संगठनवाट प्रत्येक पालिकाबाट ३ पुुरुष र २ महिला गरि ५ जना, सम्र्पक मञ्चवाट १३ पुरुष र २ महिला गरि १५ जना, प्रत्येक वडावाट दलितको १ जना प्रतिनिधित्व हुने र जिल्ला सल्लाहाकार समितिवाट १५ जनाले उक्त अधिवेशनमा सहभागीता जनाउने भएका छन् ।


अधिवेशने सम्पन्न गर्न एमालले विभिन्न समिति समेत निमार्ण गरेको छ । जसमा पार्टी अध्यक्ष समेत रहेका शान्तिप्रसाद पौडेलको संयोजकत्वमा राजनितिक सांगठनिक प्रतिवेदन तयारी समिति र आर्थिक व्यवस्थापन समिति, रामप्रसाद देवकोटाको संयोजक्तवमा आर्थिक प्रतिवेदन तयारी समिति, पार्टी सचिव आनन्द कुमार श्रेष्ठको संयोजक्तवमा प्रतिनिधि व्यवस्थापन समिति चयन गरेको छ ।

त्यस्तै प्रकाशकुुमार कार्कीको संयोजकत्वमा प्रसार समिति, पुरुषोत्तम कडरियाको संयोजकत्वमा खाद्य आवास व्यवस्थापन समिति, गोपाल श्रेष्ठको संयोजक्तवमा मन्च व्यवस्थापन समिति, लब श्रेष्ठको संयोजकत्वमा स्ंवयमसेवक परिचालन समिति, प्रेम तामाङको संयोजक्तवमा अतिथि स्वागत सत्कार समिति र झम्क कडेलको संयोजक्तवमा सांस्कृतिक कार्यक्रम समिति गठन गरेर जिम्मेवारी प्रदान गरेको छ ।

पार्टी अधिवेशनमा आउने प्रतिनिधिहरुलाई एमालले खाना र बासको व्यवस्थापन गरेको छ । प्रतिनिधिहरुले अधिवेशनमा आउँदा यातायातको व्यवस्थापन भने स्वंय आफैले गर्नुपर्ने नेकपा एमाले रामेछापका सचिव आनन्द कुमार श्रेष्ठले जानकारी दिए ।

Facebook Comments Box