ट्राफिकले शुरु गर्यो सवारी दुर्घटना न्युनीकरण सम्वन्धी कार्यक्रम

प्रदेश ३ समाज

रामेछाप । सबारी दुर्घटनामा बृद्धि भएसँगै जिल्ला ट्राफिक प्रहरी कार्यालय रामेछापले सवारी दुर्घटना न्युनीकरण गर्न सप्ताहाव्यापी कार्यक्रम मंगलवारवाट शुरुवात गरेको छ ।


सप्ताहाव्यापी कार्यक्रमको पहिलो दिन प्रहरीले जिल्लाका विभिन्न रुटहरुमा चल्ने यातायातका साधनहरुमा स्टीकर टाँस गरेर कार्यक्रमको शुरुवात गरेको हो । उक्त कार्यक्रमको शुरुवात रामेछापका प्रमुख जिल्ला अधिकारी दीपक पहाडीले सदरमुकाम मन्थलीका रुटहरुमा चल्ने अटोमा सवारी दुर्घटना सम्वन्धी न्युनीकरणको स्टीकर टाँस गरेर शुरुवात गरेका हुन् । कार्यक्रममा जिल्ला प्रहरी कार्यालय रामेछापका प्रहरी नायव उपरीक्षक नबराज ढुंगानाको समेत उपस्थिती रहेको थियो ।


ट्राफिक प्रहरीले शुरुवात गरेको यो अभियान एकहप्तासम्म चल्ने जिल्ला ट्राफिक प्रहरी कार्यालय रामेछापका प्रमुख बिकल भट्टराईले जानकारी दिए । उनका अनुसार ट्राफिक प्रहरीले विद्यालयमा अध्ययनरत बालबालिकाहरुलाई जनचेतनामुलक शिक्षाको विषयमा विद्यालयमा नै गएर कक्षा लिने, चालक र यात्रुहरुसँग अन्र्तक्रिया कार्यक्रम गर्ने त्यसैगरी सामाजिक संस्था जेसिस र प्रहरी मिलेर मन्थली क्याम्पसमा जनचेतना मुलक कार्यक्रमहरु संचालन गर्ने कार्यक्रम रहेको छ ।


त्यस्तै जिल्लामा संचालन भएका अटो चालकहरुलाई ट्राफिक नियम सम्वन्धी कक्षा लिएर सप्ताहा व्यापी कार्यक्रमको अन्त्य गरिने भएको छ । यसरी जिल्लामा गर्न लागिएको सवारी दुर्घटना सम्वन्धी कार्यक्रमले चालक र यात्रु दुवैमा सवारी दुर्घटना के कसरी हुन्छ र यसवाट जोगिने उपायहरु केके हुन् भन्ने ज्ञान हुँदा दुर्घटनामा कमी आउने अपेक्षा आफुहरुले लिएको ट्राफिक प्रमुख भट्टराईले बताए ।

Facebook Comments Box