रामेछापमा ७ दिने रेडियो पत्रकारीता तालिम सम्पन्न

शिक्षा

रामेछाप । रामेछापमा ७ दिने रेडियो पत्रकारीता तथा उद्धघोषण तालिम सम्पन्न भएको छ । रामेछाप नगरपालिकाको सम्न्वयमा हजुरको रेडियो १०२.१ मेगाहर्ज द्वारा आयोजना गरिएको तालीम बिहिबार सम्पन्न भएको हो । ७ दिन सम्म सञ्चालन गरिएको तालीममा सहभागीहरुलाई प्रमाणपत्र बितरण गर्दै रामेछाप नगरपालिकाका उपप्रमुख सृजना खड्काले पत्रकारहरुलाई निश्पक्ष रुपमा कलम चलाउन आग्रह गर्नुभएको छ । जिल्लाकै पहिलो सामुदायिक रेडियो हजुरको रेडियोले आयोजना गरेको ७ दिने रेडियो पत्रकारीता तथा उद्धघोषण तालिमको समापन कार्यक्रममा बोल्दै उहाँले सो कुरा बताउनु भएको हो । समाज परिवर्तनमा पत्रकारहरुको भुमिका निकै महत्वपुर्ण रहेको भन्दै उपप्रमुख खड्काले कसैको दाबब,प्रभाव र धम्कीमा नपरि सत्य तथ्य समाचार सम्प्रेषण गर्न पत्रकारहरलाई आग्रह समेत गर्नु भएको छ । पत्रकारीता क्षेत्रमा केहि गरौँ भन्ने उद्धेश्य बोकेकाहरुलाई यो तालिमले धेरै फाईदा पुर्याउने विश्वास आफुले लिएको उपप्रमुख खड्काले बताउनु भयो ।
रामेछाप नगरपालिकासँगको सहकार्यमा हजुरको रेडियोले जिल्लाका विभिन्न ठाउँका ४९ जना युवाहरुलाई रेडियो पत्रकारीता तथा उद्धघोषण तालिम दिएको छ । यहि मंसिर २३ गतेदेखी सुरु भएको तालिमको बुधबार समापन गरिएको छ । तालिममा सहभागी भएका रामेछापको मन्थली नगरपालिका वडा नं ४ का राम विपी मगरले आफ्नो लागी तालिम निकै फलदायिक भएको बताउनु भयो । ७ दिनसम्मको अवद्यिमा समाचार लेखन,वाचन,कार्यक्रम उत्पादन लगायतमा महत्वपुर्ण ज्ञान हासिल गरेको उहाँले बताउनुभयो । उक्त तालिममा सहभागी हुनुभएकी रामेछाप नगरपालिका ७ का रन्जिता कार्कीले तालिममा बोल्ने,लेख्ने र प्रस्ुतीकरण गर्ने तरिका आफुले सिकेको र ति सिकेका कुरा आफुले सधैँ व्यवहारमा उतार्ने बताउनुभयो । रामेछाप नगरपालिका २ का नविन पुलामि मगरल रेडियोमा बोल्ने आफनो सपना यहि तालिमले पुरा हुने अपेक्षामा आफुमा रहेको समेत उहाँले बताउनुभयो । ७ दिनसम्म सन्चालन भएको तालिममा रेडियो कार्यक्रम उत्पादन,रेडियो रिपोर्ट लेखन,समाचार लेखन,वाचन,उद्धघोषण लगायत विभिन्न रेडियो पत्रकारीता सम्बन्धी आधारभुत कुराहरु सिकाइएको हजुरको रेडियोका स्टेशन म्यानेजर दिपक कुमार घिमिरेले बताउनुभयो । यो तालिमले जिल्लामा रेडियो पत्रकार उत्पादन गर्नमा धेरै सहयोग पुग्ने उहाँले बताउनुभयो ।

Facebook Comments Box