रामेछाप जिल्ला फुटवल लिग–२०७८ मन्थलीमा हुदै

खेलकुद

रामेछाप । रामेछाप जिल्ला फुटवल लिग–२०७८ रामेछापमा पहिलो पटक हुनलागेको छ । रामेछाप जिल्ला फुटबल संघ रामेछापले पत्रकार सम्मेलन गरी पहिलो पटक जिल्लामा फुटवल लिग गर्न लागेको जानकारी दिएको छ । सोमबार पत्रकार सम्मेलन गरी मंसिर २३ गतेदेखि २५ गतेसम्म मन्थलीको हाटेचौर र कुनौरी खेलमैदानमा जिल्ला फुटबल लिग २०७८ को आयोजना गरिने जिल्ला फुटबल संघ रामेछापले जनाएको हो । खेलमा १२ वटा समुह सहभागि हुने र उक्त खेलको उद्घाटन राष्ट्रिय खेलकुद परिषदका सदस्य सचिब टंकलाल घिसिडले गर्ने कार्यक्रम रहेको खेल संयोजक बासुदेव फुयालले जानकरी गराएका छन् ।
प्रथम,द्वितिय,तृतिय र सान्त्वना हुने प्रतियोगिहरुलाई क्रमश १ लाख एक सय एघार, ७५ हजार एक सय एघार, ५० हजार एक सय एघार र २० हजार एक सय एघार रुपैयाँ नगद, सिल्ड र मेडल प्रदान गरिने पनि आयोजकले बताएको छ ।
उक्त प्रतियोगितामा प्रथम द्वितिय र तृतिय पुरस्कारको ब्यवस्था क्रमश नेकपा एमालेका नेता रत्न प्रसाद गौतम, नेपाली काँग्रेसका महाधिबेसन प्रतिनिधि भरत प्रसाद चौलागाई र रामेछाप उद्योग बाणिज्य संघका सदस्य यज्ञ प्रसाद सुवेदीले गरेका छन् । पहिलो खेलमा समुह ए तर्फ ग्रामिण सेवा युवा परिषद, दिपशिखा ब्वाइज युनाइटेड मन्थली र सानीमदौ शोसियल सिटी युवा क्लब खेल्ने छ । समुह वि तर्फ न्यू स्टार युवा क्लब मन्थली, खिम्ती प्याराडाइज युथ क्लब, र जागरुक युवा क्लब रामेछाप खेल्ने छ त्यस्तै गरी समुह सि बाट फुटबल क्लब भूजी, युनाइटेड रस्नालु युवा क्लब, मन्थली साँस्कृतिक समाज खेल्ने छ भने समुह डि मा, शान्तिदिप युवा क्लब मन्थली, चण्डेश्वरी युवा क्लब र लिखुभूजी क्लब रामेछाप खेल्ने भएको छ ।
पत्रकार सम्मेलन गरी वितरण गरिएको टाइसिट अनुसार प्रतियोगिताको पहिलो खेल ग्रामिण सेवा युवा परिषद विरुद्ध दिपशिखा ब्वाइज युनाइटेड खेल्ने छ । खेल अबधीभर खेलाडीहरुको बिमा समेत गरीएको आयोजकले जनाएको छ । खेल मैदान भन्दा बाहिर भने बिमा लागु नहुने समेत आयोजकले जनाएको छ ।

Facebook Comments Box
ad