रामेछाप नगरको लैगिंक हिंसा विरुद्धको अभियान सबै वडामा

समाज

रामेछाप । रामेछाप नगरपालिकाले लैगिंक हिंसा विरुद्धको अभियान सबै वडामा पुर्याउने तयारी गरेको छ । नगरपालिकाले ‘घरैबाट शुरू गरौ, महिला हिंसा अन्य गरौ’ भन्ने मूल नाराका साथ वडा वडामा पुगेर लैगिंक हिंसा विरुद्धको जनचेतनामूलक कार्यक्रम सञ्चालन गरिरहेको छ । बजारमा भन्दा गाउँगाउँमा महिला हिंसाको बढने भनदै नगरपालिकाले सबै वडामा पुगेर सचेतना कार्यक्रम सञ्चालन गर्दै आएको छ । कार्यक्रममा रामेछाप नरपालिकाका उपप्रमुख सृजना खड्काले महिला हिंसा अन्त्य गर्नको लागि सबै पक्ष मिलेर लाग्नु पर्ने कुरामा विशेष जोड दिएकी छिन् । उपप्रमुख खड्काले समाजको सोचमा परिवर्तन आवश्यक रहेको बताउदै महिला हिंसाको विरुद्ध सबै पक्ष मिलेर लडनु पर्ने बताएका हुन् । महिला हिंसा विरुद्धको १६ दिने अभियान अन्तगर्त आज साँघुटारमा आयोजित कार्यक्रमलाई सम्बोधन गर्दै उप्रमुख खड्काले समाजमा रहेका विभेदको विरुद्ध महिला पुरुष मिलेरै अन्त्य गनुपर्नेमा जोड दिइन । उनले भनिन,‘महिला हिंसा विरुद्ध हुने कानुनी उपचारलाई प्रभावकारी बनाउनु पर्छ, महिला हिंसाको घटना न्युनिकरण गर्न पुरुषको सोचमा पनि परिवर्तन जरुरी रहेको बताइन ।’ समाजमा केही खराब पात्रको कारण विकृति फैलिरहेको बताउदै समाजमा हुने महिला हिंसा विरुद्धमा महिलाहरु पनि एक जुट भएर उठनु पर्ने बताइन । नगरपालिकाको तर्फबाट महिला हिंसा विरुद्धको घटना रोक्नको लागि जनचेतनामूलक कार्यक्रम सञ्चालन गरिरहेको उल्लेख गर्दै उनले महिला हिंसा न्युनिकरण गरेर मात्र समृद्ध समाजको कल्पना गर्न सकिने बताइन । नगरपालिको यस अभियान अन्तर्गत ९ वटै वडामा महिला हिंसा विरुद्धको अभियान सञ्चालन गरिरहेको छ । नगरपालिकाले गोठगाउँ र साँघुटारमा कार्यक्रम सम्पन्न गरिसकेको छ भने बाँकी वडामा पनि अभियान सञ्चालन गर्ने कार्यक्रम बनाएको छ ।

Facebook Comments Box