रामेछापबाट एमालेको केन्द्रीय सदस्यमा ७ जनाले उमेद्वारी दिने

प्रदेश ३ राजनीति

रामेछाप । नेकपा एमालेको दशौं राष्ट्रिय महाधिबेशनमा रामेछापबाट ७ जना केन्द्रिय सदस्यमा उमेरद्धारी दिने भएको छ । मंसिर १० देखि १२ गते सम्म चितवनमा हुन लागेको नेकपा एमालेको दशौं राष्ट्रिय महाधिबेशनमा रामेछापबाट केन्द्रीय सदस्यमा उमेरद्वारी दिनलागेको हो । प्रत्यासी सबैले आ–आफ्नो जित सुनिस्चित भएको बताएका छन् ।
केन्द्रीय सदस्यमा प्रतिस्पर्धा गर्नेहरुमा वर्तमान केन्द्रय सदस्य समेत रहेका क्रमशः कैलाश ढुंगेल,कमल चौलागाई र माधब ढुंगेल रहेका छन् । त्यसैगरी नेकपा एमालेका जिल्ला उपाध्यक्ष एबं खाँडादेवी गाउँ पालिकाका अध्यक्ष प्रेम बहादुर तामाङ,युवा नेता रत्न गौतम ,मन्थली नगरपालिकाकी उप– प्रमुख मायाँ कार्की,र महिला नेतृ गिता कार्की रहेकी छन् । उनीहरु मध्ये कैलाश ढुंगेल र रत्न गौतम बागमती प्रदेशको भुगोलबाट खुल्ला तर्फ, कमल चौलागाई र माधब ढुंगेलले (देशभर) खुल्ला बाट केन्द्रीय सदस्यमा उमेद्वारी दिने बताईएको छ । दुई जना महिला नेतृले भने महिलाको आरक्षण कोटाबाट उमेद्वारी दिने भएका छन् ।
केन्द्रीय सदस्यका प्रत्यासी कैलास ढुंगेलले नेकपा एमाले रामेछापमा रहेर विभिन्न तहको जिम्मेवारी पुरा गरी पटक–पटक जिल्लाको नेतृत्वमा रहेर आफुलाई अब्बल सावित गराई सकेका छन् । २०४६ सालको परिवर्तन पछि साविक पकरवास गाविसको अध्यक्ष, जिविस रामेछापको सभापति भएर काम गरेको अनुभव पनि उनीसंग छ । हाल नेकपा एमालेका केन्द्रीय सदस्य समेत रहेक ढुंगेल बागमती प्रदेशको पहिलो अर्थ मन्त्रीको रुपमा रहेर पनि काम गरिसकेका छन् ।
त्यसैगरी केन्द्रीय सदस्यका अर्का प्रत्यासी कमल चौलागाई पनि वर्तमान केन्द्रीय सदस्य हुन् । कम्युनिष्ट पार्टिका पुराना र क्रान्तिकारी छविका रुपमा जिल्लामा आफनो छवि बनाएका चौलागाई जनमोर्चा,चौथो महाधिबेसन् पछि नेकपा माले त्यसपछि नेकपा एमाओवादि हुँदै हाल नेकपा एमालेको केन्द्रीय सदस्यको रुपमा कृयाशिल छन् । उनी जिल्लामा बैचारीक र बौद्धिक नेताको रुपमा पनि परिचित छन् ।
अर्का प्रत्यासि माधब ढुंगेल अनेरास्ववियु रामेछापको विभिन्न जिम्मेवारी सम्हाल्दै संगठनको केन्द्रीय अध्यक्ष समेत भई सकेका ब्यक्ति हुन । उनले केपी ओली प्रधानमन्त्री हुँदा २ कार्यकाल राष्ट्रिय युवा परिषदको अध्यक्ष रहेर काम गरी सकेकोले आफ्ना मुलकभर राम्रो साँगठनिक संजाल रहेको बताएका छन् ।
हाल रामेछाप एमालेका उपाध्यक्ष र खाँडादेवी गाउँपालिकाका अध्यक्ष समेत रहेका नेता प्रेम तामाङ्ग पनि लामो समय देखि कम्युनिष्ट पार्टि र नेकपा एमाले जिल्लाको विभिन्न तहमा रहेर काम गरि सकेका ब्यक्ति हुन् । यस अघि खाँडादेवी गाविसको अध्यक्षको अनुभव समेत सम्मालेका उनीले हाल खाँडादेवी गाउँ पालिकाको अध्यक्षको रुपमा रहदा अब्वल काम गर्ने अध्यक्षका रुपमा आफुलाइ स्थापीत गराई सकेका छन् । आफुले जनजाति कोटाबाट उमेद्वारी दिन लागेको पनि नेता तामाङले प्रष्टयाएका छन् ।
त्यसैगरी नेकपा एमाले रामेछाप जिल्लाको विभिन्न तहमा रहेर काम गरिसकेका युवा नेता रत्न गौतमले पनि केन्द्रीय सदस्यमा उमेद्वारी दिन लगेका हुन् । देशभर आफ्नो नेटवर्क भएको हुँदा आफ्नो जित सुनिश्चित भएको दावी गरेका छन् ।
महिला कोटाबाट केन्द्रिय सदस्यको उमेद्धवारी दिन लागेकी गिता कार्कि र मायाँ कार्कि पनि पार्टि पंक्तिमा सुपरिचित नाम हो । उनीहरु मध्ये मायाँ कार्की हाल मन्थली नगरपालिकाकी उप प्रमुख हुन् । उनी लामो समय देखि एमालेको राजनितिबाटै आप्mनो राजनितिक पहिचान बनाएर पार्टिको विभिन्न मोर्चामा रहेर काम गर्दे आएकि छिन् ।
केन्द्रिय सदस्यमा आफनो उमेद्वारी घोषणा गरेकी अर्की प्रत्यासि गीता कार्की पनि एमाले भित्र परिचित नाम हो । अनेरास्ववियु बाट आफ्नो राजनितिक यात्रा सुरु गरेकी कार्कीले महिला संगठन हुँदै पार्टिको विभिन्न तहमा बसेर काम गरी सकेकी छिन् । नेकपा विभाजन हँुदा उनीले नेकपा एमालेकी केन्द्रिय सदस्य हुने मौका पनि पाएकी थिईन् । उनले जिल्ला संगै पार्टिको वाहिरी संजालमा पनि आफनो छुट्टै पहिचान बनाएकोले आफुलाई निर्वाचनमा जान सहज हुने बताएकी छिन ।

Facebook Comments Box