एमाले मन्थली नगरकमिटीले पुर्णता पायो

राजनीति

रामेछाप । नेकपा एमाले मन्थली नगरकमिटीले पुर्णता पाएको छ । पदाधिकारी बहेक सबै पदमा मंगलबार सहमती भएको भएपनी पदाधिकारीमा भने सहमती हुन सकेको थिएन । बुधबार बिहान अन्य पदमा सहमती भएपनी सचिबमा सहमती नभएपछी सचिब पदमा भर्ने निर्वाचन भएको छ । बुधबार राजु कार्की र सोनु रोका बिच भएको सचिब पदको निर्वाचनमा राजु कार्की निर्वाचित भएका छन् ।
कार्कीले ४१ मत ल्याउँदा रोकाले २५ मत पाएका छन् । जम्मा खसेको ६९ मतमा ३ मत बदर भएको नेकपा एमालेका जिल्ला सचिब आनन्द श्रेष्ठले जानकारी दिए । नगर कमिटीको अध्यक्षमा रामबाबु घिमिरे, उमाध्यक्षमा महेश श्रेष्ठ र उप–सचिवमा सागहरि अधिकारी र नवराज थापामगर सर्वसम्मत रुपमा चयन भएका छन् । एमालेले ७५ सदस्यीय मन्थली नगर कमिटी बनाएको छ ।

Facebook Comments Box