नेपाली काँग्रेस रामेछापले चयन गर्यो आठ पालिकामा आठ सारथि

प्रदेश ३ राजनीति

रामेछाप । नेपाली काँग्रेस रामेछापको आठ वटा स्थानीय तहमा भएको १४ औं महाधिवेशन मन्थली नगरपालिका बाहेक सबै स्थानीय तहमा सम्पन्न भएको छ । मन्थली नगरपालिकामा सभापति पदमा भने निर्बिरोध भएको छ । आईतबार भएको २ नगर सहित ६ गाउँपालिकामा भएको अधिवेशनमा मन्थली नगरपालिकासहित २ गाउँपालिकामा सभापति पदमा निर्विरोध निर्वाचित भएको छ भने रामेछाप नगरपालिकासहित ४ गाउँपालिकामा भने मतदान प्रक्रियाद्वारा अधिवेशन सम्पन्न भएको नेपाली काँग्रस रामेछापले जनाएको छ ।
मन्थली नगरपालिकामा सभापति पद बाहेक अन्य पदमा आइतवार बेलुकीसम्म सहमति जुट्न सकेको छैन । सभापति पदमा भने मन्थली नगरपालिका– २ का शंकर अधिकारीको एकल उम्मेदवारी परेपछि उनी निर्बिरोध निर्वाचित भएको निर्वाचन समितिले जनाएको छ । अन्य उम्मेदवारले भने सहमति गराउने नाममा आपूmहरुले सभापति पदमा उम्मेदवारी नदिएको भन्दै अधिकारीलाई सभापतिमा स्वीकार नगर्ने जनाएका छन् ।
आठ वटै पालिकाको सभापति पदमा मन्थली नगरपालिकामा शंकर अधिकारी, रामेछाप नगरपालिकामा कमल बिक्रम कार्की, खाँडादेवी गाउपालिकामा तेजबहादुर घिसिङ, सुनापती गाउँपालिकामा जनक खड्का, दोरम्बा गाउँपालिकामा केशब लामा, लिखु तामाकोशी गाउँपालिकामा भोजराज खड्का (सुन्दर), गोकुलगंगा गाउँपालिकामा मणिकुमार लामा, र उमाकुण्ड गाउँपालिकामा हिकमत सुनुवार नेपाली सभापतिमा चयन भएका छन् । उनिहरुको छोटो राजनितिक पुष्टभूमि यस प्रकार रहेको छ ।
शंकर अधिकारीः मन्थली नगरपालिका


मन्थली नगरपालिकाको नगर सभापतिमा एकल उम्मेदवारी परेपछि सर्वसमत निर्वाचित भएको निर्वाचन समितिले जानकारी दिएको छ । वडा नं २ को कठजोरमा घर भएका अधिकारी कठजोर गाउँ विकास समिति अध्यक्ष हुँदै काँग्रेसको जिल्ला सचिव,सदस्य हुँदै काँग्रेस विभाजन हुँदा नेपाली कांग्रेस प्रजातान्त्रीकको  जिल्ला सचिब भैसकेका ब्यक्ति हुन ।

कमल बिक्रम कार्की ः रामेछाप नगरपालिका


रामेछाप नगरपालिका वडा नं ७ घर भएका कार्कि यस अघि पनि सो पालिकाको नगर सभापति पदमा रहेर एक कार्यकाल काम गरि सकेका कार्कि आफना निकटतम्र प्रतिद्धन्दि रामप्रसाद घिमिरे संगको प्रतिस्पर्धामा पुन सभापति पदमा विजयी भएका हुन् । आइतबार भएको निर्वाचनमा कार्कीले १ सय ३७ मत प्राप्त गरे भने घिमिरेले ३३ मत प्राप्त गरे ।
तेज बहादुर घिसिङ ः खाँडादेवी गाउँपालिका


खाँडादेवी गाउँपालिकामा निर्विरोध सभापति पदमा निर्वाचित भएका घिसिङ नेविसंघ,तरुणदलको विभिन्न जिम्मेवारी पुरा गर्दै यस अघि पनि खाँडादेवी गाउँपालीकाको सभापतिको जिम्मेवारी पुरागरेका ब्यक्ति हुन । यस पटक पनि उनिनै नेपाली काँग्रेसको खाँडादेवी गाउपालिकाको सभापतिमा निर्विरोध निर्बाचित भएका छन् ।
केशब लामा ः दोरम्बा गउँपालिका


केशब लामा दोरम्बाको गाउँपालिकाको सभापति पदमा निर्वाचित भएका छन् । लामा र अर्का उम्मेदवार लालबहादुर थापामगर बीच भएको प्रतिस्पर्धामा लामाले ६७ मत प्राप्त गरे भने थापामगरले ६० मत प्राप्त गरे । पिपुल्स क्याम्पस काठमाडौबाट नेविसंघको राजनिति शुरु गरेका निर्बाचित सभापति लामालले काकलिङ्ग मावि दोरम्बाको अध्यक्ष,दोरम्बा नगर विकास समितिको अध्यक्ष, साविक दोरम्बा गाविसको २ पटक सभापति भैसकेको अनुभब समालि सकेका छन् ।
मणिकुमार लामा ः गोकुलगंगा गाउँपालिका


गोकुलगंगा गाउँपालिकाको सभापति पदमा निर्वाचित भएका मणिकुमार लामाले अर्का प्रत्यासि जगत बहादुर कार्कीलाई पराजित गराउँदै विजयी भएका हुन । आइतबार भएको निर्वाचनमा लामाले ७२ मत प्राप्त गरे भने कार्कीले ५३ मत प्राप्त गरे । लामा हाल नेपाली काँगे्रसबाट गोकुलगंगा गाउँपालिका वडा नम्बर १ का वडा अध्यक्ष हुन् ।
हिकमत सुनुवार ः उमाकुण्ड गाउँपालिका


उमाकुण्ड गाउँपालिकाको सभापति पदमा निर्वाचित भएका हिकमत सुनाुवार यस अघि उमाकुण्ड गाउँपालिकाको सभापति भैसकेका छन् । यस पटको निर्वाचनमा पनि सुनुवार आफना प्रत्यासी धनराज लामीछानेलाई ६६ मतको अग्रताले जित्न सफल भएका हुन भने पलामिछानेले ४३ मत प्राप्त गरे । सुनुवारले यस अघि काँग्रेस जिल्ला समितिको सचिव लगाएतको पार्टिको विभिन्न जिम्मेवारमा रहेर काम पुरा गरि सकेका छन् ।

जनक खड्का ः सुनापती गाउँपालिका

सुनापति गाउँपालिकाको सभापतिमा निर्विरोध चयन भएका जनक खड्का यस अघि नेपाल विद्यार्थि संघ हु्रँदै तरुणदलको विभिन्न पदमा रहेर काम गर्दै आएका ब्यक्ति हुन । उनले युवा ब्यवसायीका रुपमा आफनो अब्बलता कायम गरिसकेका छन् ।
भोजराज खड्का (सुन्दर) ः लिखुतामाकोशी गाउँपालिका


लिखुतामाकोशी गाउँपालिकाको सभापति पदमा निर्वाचित भएका भोजराज खड्का (सुन्दर) ले यस अघि नेपाली कांग्रेस रामेछापको जिल्ला कार्यसमीती सदस्य भएर काम गरिसकेका छन् । खड्काले आफना प्रत्यासी जिबन कार्कीलाई ५५ मतको अग्रताले जित्न सफल भएका हुन भने कार्कीले ३९ मत प्राप्त गरेका छन् ।

Facebook Comments Box
ad