चोरी डकैती गदै हिड्ने ४ जनालाई प्रहरी द्वारा सार्वजनिक

प्रदेश ३ समाज

रामेछाप । जिल्लाभरी चोरी डकैती गर्दै हिड्ने ४ जनालाई जिल्ला प्रहरी कार्यलय रामेछापले नियन्त्रणमा लिएर शुक्रबार सार्वजनीक गरेको छ । शुक्रबार पत्रकार सम्मेलन गरी प्रहरीले उनिहरुलाई सार्बजनीक गरेको हो । जिल्ला प्रहरी कार्यलय रामेछापका प्रमुख प्रहरी नायव उपरीक्षक नवराज ढुंगानाले दिएको जानकारी अनुसार भरुवा बन्दुक तथा धारिलो हतियार देखाएर त्रसित बनाई चोरी डकैती गर्दै हिड्ने गरेका थिए । प्रहरी नायव उपरीक्षक ढुंगानाले दिएको भने पछिल्लो पटक गएको भदौ ३१ गते टाउँको र मुखमा रुमाल बाँधेर आएका ४ जनाको समूहले लिखु तामाकोसी गाउँपालिका वडा नं. ६ जामुनेको चन्द्रबहादुर बुढाथोकीको घरमा चोरी गरेका थिए । घरमा बुढाथोकीको श्रीमती र दुई छोरीहरु मात्रै भएको मौका पारी चोरी गरेर भागेका उनीहरुलाई जिल्ला प्रहरी कार्यालय तथा प्रहरी चौकी खिम्तीबाट खटिएको टोलीले दुई जनालाई जिल्लाबाटै र दुई जनालाई काठमाडौंबाट पक्राउ गरेको जानकारी दिए ।
पक्राउ पर्नेहरुमा गोकुलगंगा गाउँपालिका वडा नं. ६ का ठूला भनिने मिलन तामाङ, राहुल भनिने लालबहादुर तामाङ, जंगे भनिने आकाश तामाङ र आशिस भनिने भुमिराज तामाङ रहेका छन् । उनीहरु माध्य आकाश तामाङ र भुमीराज तामाङलाई काठमाडौंबाट पक्राउ गरिएको प्रहरीले जनाएको छ । त्यसैगरी मिलन तामाङलाई फर्पुबाट र लालबहादुर तामाङलाई मन्थलीबाट पक्राउ गरिएको प्रहरीले जानकारी दिएको छ ।
उनीहरुकोे साथबाट भरुवा बन्दुक १ थान, पुरानो मोरु नोट ८ थान र अन्य ३५ थान, सुनको फुली दुई थान उनीहरुले प्रयोग गरेका चार थान मोवाइल बरामत गरिएको प्रहरीले जनाएको छ ।
पीडितले जिल्ला प्रहरी कार्यालय रामेछापमा दिएको जाहेरी अनुसार १ तोलाको सुनको बेरुवा रिङ २ थान, १२ आना सुनको पोतेसहितको घोप्टे १ थान, ६ अनाको सुनको ढुंग्री २ थान, ६ आना सुनको कुण्डल २ थान, १ तोलाको ९ गेडी, ६ आना सुनको तिलहरी सहितको पोले, ६ आनाको सुनको औँठी, ४ तोला चाँदीको पाउजु, ८ आना सुनको माडवारी २ थान, आधा तोलाको तिलहरी, ६ तोला चाँदीको कल्ली २ थान, ३ माना चाँदीको पुराना सिक्काहरु लगायतका समान र ३० हजार रुपैयाँ नगद चोरी भएको जनाइएको छ ।

Facebook Comments Box
ad