रामेछापका विभिन्न स्थानमा पहिरो खस्दा सडक अबरुद्ध

Uncategorized

रामेछाप । रामेछापमा तिन दिन देखी परेको अबिरल वर्षाको कारण पहिरो जादा जिल्लाका सडकहरु अबरुद्ध भएका छन् । मन्थली खिम्तीखोला सडक अन्र्तगत तिल्पुङ खोला नजिकैको ढिस्को खस्दा सडक अबरुद्ध भएको छ । रातको समयमा खसेको पहिरोको कारण यात्रुहरु अलपत्र परेका छन् । बिहान ७ः३० सम्म पहिरो हटाउने काम नभएको स्थानियले बताएका छन् ।
त्यस्तै गरी पहिरोको कारण मन्थल–सेलेघाट सडक अन्र्तगत कुनौरीको बिभिन्न स्थानमा लगातार तिन देखी गएको पहिरोको कारण सडक अबरुद्ध हुदै आएको छ । सडक अबरुद्ध हुदा यात्रुहरु राती देखी समकमा रहेका छन् । पहिरो हटाउने काम अहिले सम्म भएको छैन । रामेछाप मन्थली सडक खण्ड पनी पहिरोको कारण शनिबार देखी बन्द रहेको छ । रामेछाप नगरपालिका वडा नम्बर ८ भगेरी स्कुलमुनिको सडक पहिरोले बगेको छ । उक्त सडक तत्काल सञ्चालनमा ल्याउन कठिन हुने नगरपालिकाले जनाएको छ ।

Facebook Comments Box
ad