मिडिया नेपालका केन्द्रिय सदस्यहरु द्वारा सामुहिक राजिनामा

राजनीति समाज

काठमाण्डौं । राप्रपा निकट पत्रकारहरुको संगठन मिडिया नेपालका ६ जना केन्द्रिय सदस्यहरुले एकैपटक सामुहीक राजिनामा दिएका छन् । पुर्व कोषध्यक्ष राधिका जोशीको नेतृत्वमा ६जना केन्दिय सदस्यहरुले एकै पटक राजिनामा दिएका हुन । उनिहरुले नेतृत्व प्रती असन्तुष्टि जनाउदै राजिनामा दिएका हुन । पुर्ब कोषध्यक्ष राधिका जोशीको नेतृत्वमा केन्द्रिय सदस्यहरु विकल रेग्मी, बिमल जैरु, अनिल श्रेष्ठ, राधिका श्रेष्ठ र कासिराम शर्माले एकैपटक राजिनामा गरेका छन् । राजिनामा पत्रमा भनिएको छ ।
मिडिया नेपालमा स्थापनादेखि विभिन्न कालखण्डमा आवद्ध भएका हामी तपसिलका पत्रकार साथीहरू अब उप्रान्त मिडिया नेपालमा निरन्तरता दिन नसक्ने भएकोले आजैका मितिदेखि लागू हुने गरी राजीनामा गरेका छौँ ।
मिडिया नेपाल मुलुकभर रहेका राष्ट्रवादी, राजावादी र सम्बर्द्धनवादमा आधारित संगठन बनाउने उद्देश्यले स्थापित भएको सत्य र तथ्य कसैसामु छिपेको छैन । संगठन भनेको एक सहकर्मीको सुख र दुखको सारथि पनि हो । र, एकलाई दुख पर्दा अर्कोलाई होस्टेमा हैँसे गर्ने भावनात्मक सम्बन्ध विकसित गर्ने हेतु पनि हो । पेशागत र व्यवसायिक संगठन त आफ्नो पेशागत सुरक्षा र संगठनमा भएका व्यक्तिहरूको करिअर बनाउन सहयोग पुर्याउने र सफलताको मार्गमा प्रेरित गर्न बाटो देखाउने संस्था नै हो । मुलुकभर राजावादी र हिन्दुवादी पत्रकारहरूको संख्या ठूलै छ । तर यसले त्यस्ता पत्रकारहरूलाई समेट्न सकेन । मुख्यतया नेतृत्वको अक्षमता र चरम व्यक्तिवादी प्रवृत्तिले संस्थाले सांगठनिक स्वरुप लिन सकेन । अरु त के बुटवलमा भएको अधिवेशनपछि तत्काल संगठनलाई पूर्णता दिनुपर्ने हो त्यो त भएन नै । बरु महिनौँसम्म संगठनको बैठकसमेत हुन सकेन । पत्रकार महासंघको निर्वाचनमा पनि अवसरवाद देखियो । जो व्यक्ति संगठनमै छैनन् तिनलाई संघगठनबाट सिट दिइयो । फलस्वरुप ति अवसरवादीले के गरे भनिरहनु पर्दैन होला । यति हुदा पनि एक पटक समिक्षा सम्म हुन सकेन । मिडिया नेपालले कोभिड महामारीले पीडामा परेका पत्रकारको हकहितमा काम गर्न पटक्कै ध्यान दिएन । पीडित पत्रकार आहात हुँदा राहत दिने अपेक्षा त के गर्नु ? जबकि संगठनमाथि आर्थिक पारदर्शिताको गम्भीर आरोप पनि लागिरहेको छ । यतिबेला हामीलाई कुनै व्यक्ति विशेषप्रति आवेश र आग्रहमा आएर कुनै टिप्णी गर्नु छैन । यसै पनि हामी धर्म मान्छौँ । हामी नास्तिक होइनौँ । अझ हामी हाम्रो धर्म संस्कृतिको जगर्ना र सम्बर्द्धन गर्नुपर्छ भनेर लागिरहेका छौँ । त्यसैले हामी यथार्थ जगमा उभिएका छौँ । संगठनलाई टुकुचाको ढलमा बगाइरहँदा र यसको धारलाई निस्तेज पार्ने काम भइरहँदा हामीले टुलुटुलु हेरेर बस्नु परिरहेको छ । ध्यानाकर्षण गराउँदा हाम्रो नेतृत्व घण्टकर्ण बनेर कर्तब्यच्युत भएर बसेको छ । अब यो परिस्थितिमा हामी मिडिया नेपालमा बस्न नसक्ने अवस्थामा छौँ । हाम्रो राजीनामा आजैका मितिबाट स्वीकृत गर्न अनुरोध गर्दछौँ राजिनामा पत्रका भनिएको छ । साथै राजिनामा पत्रमा हामी जहाँ रहे पनि राष्ट्रवादी आन्दोलनमै हुने छौँ । राजावादी पत्रकारकै पहिचान हाम्रा लागि प्यारो हुने छ । हिन्दुवादी पत्रकार भनेर कसैले भनेमा हामी गौरव महसुस नै गर्ने छौँ ।

Facebook Comments Box
ad