सिंगो प्रदेशको मुहार फेर्ने ः मुख्य मन्त्री पौडेल

प्रदेश ३

रामेछाप । बागमती प्रदेशका मुख्य मन्त्री डोरमणी पौडेलले सिंगो प्रदेशको मुहार फेर्ने गरी काम भइरहेको बताएका छन् । वागमती प्रदेश सरकारको लगानीमा निर्माण गरिएको सडकको उद्घाटन गर्दै मुख्यमन्त्री पौडेलले केहि समय भित्र सिंगो प्रदेशको मुहारफेर्ने बताए । रामेछापको सित्खा–भिरपानी–गोगनपानी सडकको उद्घाटन गर्दै मुख्यमन्त्री पौडेलले परमादेशबाट बनेको वर्तमान सरकाले नागरिककोे हितमा काम गर्न नसक्न समेत दावी गरे ।

पौडेलले भने अहिलेको सरकार जनादेशबाट नभै परमादेशबाट बनेकाले यो सरकारले जनताको हित र उपलब्धी मूलक काम गर्नै नसक्ने ठोकुवा गरे । अहिलेको सरकारले केपी शर्मा ओली नेतृत्वको सरकारले बनाएको भूमि सम्बन्धी समस्या समाधान आयोग खारेज गर्ने जस्ता जनताको हित विपरीत निर्णय गरिसकेको छ, सरकारको यो निर्णयले देशभरका भूमीहीनको आशा निराशामा परिणत भएको छ, यो सरकारले गर्ने अन्य काम पनि जनतालाई निराश पार्ने नै हुन्छ मुख्यमन्त्री पौडेलले भने । मुख्यमन्त्री पौडेलले वागमती प्रदेश सरकारले सिङ्गो प्रदेशको विकास, समृद्धि, परिवर्तन र जनाताको हितका लागि द्रुत गतिमा काम गरिरहेको दावी गरे ।

Facebook Comments Box
ad