सुनकोशी आयोजनाको माझी समुदायले गरे बिरोध

प्रदेश ३ समाज

रामेछाप । सुनकोशी–२ जलविद्युत आयोजना निर्माणको बिषयमा आइतवार सदरमुकाम मन्थलीमा गर्ने भनिएको सार्वजनिक सुनुवाई कार्यक्रम स्थानिय माझी समुदायको बिरोधपछि स्थगीत भएको छ ।
जलविधुत आयोजना निर्माण हुँदा सुनकोशी र तामाकोशी नदि किनार आसपास बसोबास गर्ने सबै माझी समुदाय बिस्थापित हुने भन्दै उनिहरु आयोजन बिरुद्ध आन्दोलनमा उत्रेका हुन । आयोजना निमार्ण भए माझी समुदाय मात्र नभई रामेछाप जिल्लाकोे सदरमुकाम मन्थली सहित २ वटा नगरपालिका र एक वटा गाउँपालिकाका धेरै भु–भाग समेत डुवानमा पर्ने भन्दै उनिहरुले बिरोध गरेका हुन ।
नेपाल माझी उत्थान संघ जिल्ला कार्यसमिती रामेछापको आयोजनामा भएको बिरोध कार्यक्रममा सुनकोशी–२ जलविधुत आयोजना चाहिदैन,जातिय पहिचान मास्न पाइदैन भन्दै सयौंको संख्यामा माझी समुदाय जलबिद्युत आयोजनाको विरोध गर्दै सडकमा उत्रेका छन् । आयोजनाले आजसम्म कुनै छलफल नगरेको तर अकस्मात सार्वजनीक कार्यक्रम राखेको भन्ने सूचना पत्रपत्रिकाबाट जानकारी पाएको भन्दै माझी समुदायले आयोजनाको बिरोध गरेका हुन् ।
आयोजनाले स्थानिय नागरिकहरुसँग बसेर छलफल नै नगरी सकेसम्म पेलेर जान खोजेको भन्दै त्यसको विरोध गरेका छन् । आयोजना निर्माण हुदा आफ्नो धर्म संस्कार संस्कृतको बिनास हुनुको साथै समाज विभाजन तर्फ जाने भन्दै आफुहरु पुर्खाको थाकथलो नछोड्ने नेपाल माझी उत्थान संघ रामेछापका अध्यक्ष इन्द्रबहादुर माझीले जानकारी दिए ।
उनले भने– हाम्रो मिलेर बसेको समुदाय संस्कार परम्परा विर्गान चाहदैनांै । त्यसैले यो योजना निमार्ण सम्भव हुदैन । जलविद्युत आयोजनाले केहि पैसा दिदैमा आफ्नो संस्कार र संस्कृती त्याग्न नसक्ने भन्दै आफुहरु कुनै हालतमा आयोजना सञ्चालन हुन नदिने भन्दै आन्दोलनमा एक जुट भएर लग्नु पर्ने बागमती प्रदेशसभा सदस्य रिता माझीले बताइन ।
उनले भनिन्– हाम्रो परम्परा संस्कार संस्कृति र भाषाको बारेमा अध्यन गर्न देश भरिका माझी समुदाय रामेछाप आउने गर्छ । रामेछाप जिल्लामा अन्य जिल्लाको तुलनामा सबै भन्दा वढी माझी समुदायको बासस्थान भएकोले माझीहरुको इतिहास भएकोले रामेछापको माझिहरुलाई बिचलित हुदैनौं । हामी मार्न र मर्न समेत तयार छौं तर हामी तामाकोशी र सुनकोशी नदि किनार आसपास छाडेर अन्य स्थान जान सक्दैनौ ।
जलविद्युत आयोजना निर्माण भएमा रामेछापको सदरमुकाम मन्थली लगाएत सिन्धुलीका विभिन्न बस्ती सहित ६ हजार भन्दा बढी घरधुरी डुबानमा पर्ने सुनकोशी–२ जलविधुत आयोजनाका इन्जिनियर सुवास थपलियाले जानकारी दिए । आयोजना निर्माण भए सुनकोशी नदि तर्फ रोशिखोला सम्म डुबान हुने र तामाकोशी नदिको हलिदे बेसी सम्म डुबानहुने बताएको छ । त्यस्तैगरी मन्थलीको बसर्पाक भन्दा ३ मिटर माथी सम्म डुबान हुने बताएका छन् ।
माझी समुदायले सार्वजनिक सुनुवाई अवरोध गरेपछि स्थगित भएको उक्त बिषयलाई आयोजनाको तर्फवाट प्रतिवेदनमा समावेश गरेर सम्वन्धित निकायलाई हस्तान्तरण गर्ने सुनकोशी–२ जलविद्युत आयोजनाका वातावरण प्रभाव मुल्याङकन प्रमुख मधुकर खड्काले जानकारी दिए ।

Facebook Comments Box
ad