विपि र जिपी प्रतिष्ठान द्वारा छुट्टा छुट्टै खिर खाने कार्यक्रम

Uncategorized

रामेछाप । विपि कोइराला प्रतिष्ठान रामेछाप र जि पी फाउण्डेशन रामेछाप द्वारा छुट्टा छुट्टै खिर खाने कार्यक्रम आयोजना गरेर खिर दिवस मनाएको छ । जि पी फाउण्डेशन मन्थली नगर समितिले मन्थलीमा र विपी कोइराला प्रतिष्ठान खाँडादेवी गाँउपालिकाले काठमाण्डौमा खीर खिर दिवस मनाएका हुन् ।
मन्थली नगर समितिका संयोजक जनक खत्रीको अध्यक्षतामा सम्पन्न उक्तकार्यक्रममा बोल्दै कार्यक्रमका प्रमुख अतिथि एबं नेपाली काँग्रेसका नेता ध्रुवहरि ढुंगेलले विपीले किसानको मर्म लाई बुझेर मुठी रोपेर मुरी उब्जाउने बेला असार १५ लाई धान रोपाईको सुरुवाती सँगै दहि चिउरा खाने र १ महिना सम्मको धान रोपाइको हिलो मैलोलाई पखाली सर्दी भगाउन साउन १५ मा खीर खाने परम्पराको सुरुवात गरेको बताउनुभयो । त्यस्तै गरी नेपाली कांग्रेसको अधिबेशनको विषयलाई लिएर चिन्ता लीन नपर्ने बताए । नेपाली कांग्रेसमा ५० औं वर्ष देखी राजनिती गर्दै आएको अनुभवी नेता भएकोले पार्टीका अधिबेशनलाई लिएर चिन्ता गर्न नपर्ने बताए । जि पी फाउण्डेशन रामेछापले मन्थलीमा आयोजना गरेको कार्यक्रममा नेपाली काँग्रेसका सचिब लेख बहादुर कार्की, महाधिवेशन प्रतिनिधि निर्मला घिमिरे,उमाकुण्ड गाँउपालिकाकी उपाध्यक्ष उर्मिला कार्की वस्नेत,जीपी फाउन्डेशनका जिल्ला अध्यक्ष दिपक खड्का लगाएतले खिर दिवसको औचित्यतावारे आफ्नो धारणा राखेका थिए ।
त्यसैगरी नेपाली काँग्रेसका युवा नेता एबं संघिय सांसद गगन कुमार थापाको प्रमुख आतिथ्यतामा सन्पन्न उक्त कार्यक्रममा सांसद थापा, नेपाली काँग्रेस रामेछापका निवर्तमान पार्टि सभापति रामचन्द्र खड्का, वर्तमान पार्टि सभापति लव श्री न्यौपाने ,वी पी प्रतिष्ठानका जिल्ला अध्यक्ष रामकृष्ण खड्का लगाएतले खिर दिवसको औचित्यताबारे प्रष्ट पार्नु पारेका थिए ।

Facebook Comments Box
ad