प्रशासकिय अधिकृत र स्वास्थ्य शाखाको सेटिङ्ग नमिल्दा टेण्डर रद्द

Uncategorized
  •  
  • 108
  •  
  •  
  •  
  •  
  •  
    108
    Shares

रामेछाप । मन्थली नगरपालिकाका प्रमुख प्रशासकिय अधिकृत लिलाराज पौडेल र स्वास्थ्य शाखाका कर्मचारीहरु विच सेटिङ्ग नमिल्दा स्वास्थ्य सामाग्री खरिदको लागि खोलिएको टेण्डर नै रद्द गरेका छन् ।
मन्थली नगरपालिकाका प्रमुख प्रशासकिय अधिकृत पौडेल र स्वास्थ्य शाखाका कर्मचारी विच रकम कोलमको बिषयमा कुरा नमिल्दा टेण्डर रद्द गरेका हुन् । श्रोतका अनुसार पालिकाले खोलेको टेण्डरमा २२ वटा फर्म विक्री भएकोमा ८ वटाले मात्रै दर्ता गराएका थिए । कार्यालयमा ८ वटा फर्म दर्ता भएता पनि पालिकाका प्रमुख प्रशासकिय अधिकृत र स्वास्थ्य शाखाका कर्मचारीको मिलेमतोमा उक्त ठेक्का नै रद्द गरेको मेरीजमा मेडिकल सप्लार्यसका प्रोपाइटर नविन बुढाथोकीले जानकारी दिए ।
उनले भने– मन्थली नगरपालिका कर्मचारीहरुको मिलोमतोमा यसअघि पनि ३ वटा मात्रै फर्म दर्ता गराएर स्वास्थ्य सामाग्री खरिदमा लाखौ रकम घोटाला गरेका छन् । यसअघि औषधी उपकरण खरिद गर्ने जिम्मेवारी पाएका फर्मले ठेक्का सकिएको महिनौ वितिसक्दा पनि अहिलेसम्म औषधी मन्थली नगरपालिकामा बुझाएका छैनन् । आफ्नो मान्छेको फर्म परे स्वीकृत गर्ने र त्यहाँवाट कमिसन खान पल्केका कर्मचारीहरुले वाहिरका फर्म दर्ता भएपनि टेण्डर नै रद्द गर्नुपर्ने सम्मको गलत नियतले काम गरेको प्रोपाइटर बुढाथोकीले वताए ।
मन्थली नगरपालिकाले अत्यावश्यक निःशुल्क औषधि, सेनेटरी प्याड तथा स्वास्थ्य सामाग्री खरिद सम्वन्धी सिलवन्दी दरभाउपत्र आव्हानको सूचना जेठ २६ गते दैनिक पत्रिका सूचना प्रकाशन गरेको थियो । सोही सूचनाको आधारमा विभिन्न ८ वटा सप्लार्यस फार्मले टेण्डर मन्थली नगरपालिकामा दर्ता गराएका थिए । नगरपालिकामा दर्ता भएका ८ वटा फर्म खोल्दै नखोली पालिकाले टेण्डर रद्द गरेको हो ।
मन्थली नगरपालिकाका प्रमुख प्रसाकिय अधिकृत र स्वास्थ्य शाखाका कर्मचारीहरुको मिलोमतोमा चालु आर्थिक वर्ष २०७७÷०७८ मा टेण्डर प्रक्रिया नै नगरि करोडौ मूल्य वरावरका स्वास्थ्य सामाग्री कोटेसन विधिवाट खरिद गरेका छन् । प्रमुख र स्वास्थ्य शाखाका कर्मचारीले टेण्डर विना नै भक्तपुरमा रहेको मेरीगोल्ड इन्टरनेशनल सप्लार्यसलाई दिदै आएका छन् । कार्यालय प्रमुख र स्वास्थ्य शाखाका कर्मचारीले मेरीगोल्ड इन्टरनेशनल सप्लार्यसवाट लाखौ रुपैयाँ कमिसन लिदै आएको श्रोतको दावी छ ।
मन्थली नगरपालिकामा प्रमुख प्रशासकिय अधिकृत लिलाराज पौडेल आएदेखी नै स्वास्थ्य सामाग्री खरिद, स्टेसनरी सामाग्री खरिद, विभिन्न योजनाहरुमा गिद्धे नजर लगाउँदै आएका छन् । मन्थली नगरपालिकामा लेखा, स्टोर र स्वास्थ्य शाखासँगको मिलेमतोमा चरम आर्थिक अनियमितता हुँदै आएको मन्थली नगरपालिकाकामा कार्यरत एक कर्मचारीले आफ्नो नाम नछाप्ने सर्तमा बताए ।
उनले भने– प्रमुख प्रशासकिय अधिकृत, लेखा अधिकृत र स्टोरको मिलोमतोमा नगरपालिकामा करोडौ रकम अनियमितता भएको छ । अहिलेको प्रमुख प्रशासकिय अधिकृत र लेखा अधिकृत पैसा नभई कुनै पनि काम गर्न मान्दैनन् । यसअघि यस्ता अधिकृत र लेखा अधिकृत मन्थली नगरपालिकामा नआएको पनि उनले दाबी गरे ।
यता मन्थली नगरपालिकाका प्रमुख प्रशासकिय अधिकृत लिलाराज पौडेलसँग सम्र्पक गर्दा उनले पालिकामा ८ वटा फर्म दर्ता भएकोमा एक व्यक्तिले दर्ता भएको फर्म वाहिर लगेर कागजात साटेने क्रममा डकुमेन्ट हराएको बताए । उनले भने– नगरपालिकाका कर्मचारीहरुले गोपनियता राख्न नसक्नु र आचरण विपरित काम गरेकाले टेण्डर रद्द गरी पुनः नयाँ टेण्डर निकालेको जानकारी दिए ।

Facebook Comments Box

  •  
  • 108
  •  
  •  
  •  
  •  
  •  
    108
    Shares
ad ad