अनेमसंघकी केन्द्रीय सदस्य केसीद्धारा स्वास्थ्य सामाग्री बितरण

प्रदेश ३ समाज स्वास्थ्य

रामेछाप । कोरोना महामारीको दोश्रो लहरमा संक्रमित बिरामीहरुलाई लक्षित गरि अखिल नेपाल महिला संघकी केन्द्रिय सदस्य समिता केसीले आयुर्वेदीक स्वास्थ्य सामाग्री र खाद्यान्न वितरण गरेकी छिन् ।
सदस्य केसीले कोरोना संक्रमित विरामीहरुको लागि  श्री ॐ त्रिकुटा गुरुधाम नेपाल द्धारा उत्पादित जडिबुटी औषधीहरु र कोरोना महामारीका कारण खाद्यान्न अभाव भएर चुल्हो बल्न समस्या भएका व्यक्तिहरुलाई खाद्यान्न सामाग्रीहरु सहयोग गरेकी हुन् । उनले  श्री ॐ त्रिकुटा गुरुधाम नेपाल द्धारा उत्पादित जडिबुटी औषधीहरु दिव्य कप्यामृत कवच, एकसय इन वन क्यिर, मास्क, लेसन र कस्मीस इनर्जी इनहलेर लगाएतका स्वास्थ्य सामाग्रीहरु बितरण गरेकी हुन ।


कोरोना महामारीकै बेला अनेमसंघकी केन्द्रिय सदस्य केसीले मन्थली नगरपालिका वडा नं ९ पुरानागाउँ, लिखुतामाकोशी गाउँपालिकाको वडा नं ६ खिम्ती, गोकुलगंगा गाउँपालिका वडा नं ६ फर्पु र रामेछाप नगरपालिकाको वडा नं १ गोठगाउँ, वडा नं २ देउराली, वडा नं ३, साँघुटार र वडा नं ८ रामेछापमा आयुर्वेदीक स्वास्थ्य सामाग्री सम्वन्धीत वडाका वडा अध्यक्षहरुलाई हस्तान्तरण गरेको अखिल नेपाल महिला संघकी केन्द्रीय सदस्य समिता केसीले जानकारी दिइन ।
उनले भनिन्– दोश्रो लहरको कोरोनाका कारण जिल्लाका अधिकासं पालिकाहरुमा अहिले धेरै कोरोना संक्रमितका विरामीहरु भएकाले उनीहरुको स्वास्थ्य सुधारको लागि आयुर्वेदीक औषधीले काम गर्ने भएकाले बढी संक्रमितहरु भएको वडाहरुमा पुगेर औषधीहरु वितरण गरिएको हो । यसवाहेक आफु पुगेको गाउँमा आर्थिक अवस्था कमजोर भएका र कोरोनाकै कारण घरमा चुल्हो बल्न समस्या भएका केही व्यक्तिहरुलाई आफ्नो व्यक्तिगत खर्चमा खाद्यान्न सामाग्रीहरु वितरण गरेको सदस्य केसीले बताइन ।
गाउँमा कोरोना संक्रमितका विरामीहरु बढिरहेकै बेला आयुर्वेदीक औषधी, मास्क लगाएतका सामाग्री प्रदान गरेर वडा कार्यालयलाई धेरै ठूलो गुण लगाएको गोकुलगंगा गाउँपालिका वडा नं ६ फर्पुका वडा अध्यक्ष चन्द्र सुनुवारले जानकारी दिए । उनले भने– वडा कार्यालयमा प्राप्त भएका जडिवुटी औषधीहरु र मास्क लगाएतका सामाग्रीहरु बढी संक्रमण भएको स्थानमा वितरण गरिने अध्यक्ष सुनुवारले वताए ।


त्यसैगरी केसीले कोरोना संक्रमणवाट पुरै गाउँनै शिल गरिएको रामेछाप नगरपालिका ८ लामागाउँमा संक्रमित सदस्यहरुका लागि स्वासथ्य सामाग्री प्रदान गरेकोमा धेरै खुशी लागेको रामेछाप नगरपालिका वडा नं ८ का वडा अध्यक्ष केदार कार्कीले जानकारी दिए । उनले भने– कोरोना महामारीको विषम परिस्थतीमा पनि गाउँमै आएर आयुर्वेदीक औषधी लगाएतका स्वास्थ्य सामाग्री सहयोग गरेकोमा धेरै खुशि लागेको बताए ।
त्यस्तै खाद्यान्नको अभाव झेल्दै आएका रामेछापका पत्रकार टंक गौतमलाई केसीले खाद्यान्न सामाग्री सहयोग गरेकी छिन् । यसवाहेक केसीले जिल्ला खेलकुद विकास समिति रामेछापका पदाधिकारीहरुलाई १ हजार थान मास्क समेत सहयोग गरेकी छिन् । केसी हाल जिल्ला खेलकुद विकास समिति रामेछापकी सदस्य समेत रहेकी छिन् ।

Facebook Comments Box
ad