जिल्ला अस्पतालका आइसोलेसन बेड खाली हुँदै

प्रदेश ३ समाज स्वास्थ्य
  •  
  •  
  •  
  •  
  •  
  •  
  •  

रामेछाप । कोरोना संक्रमित बिरामीहरुको लागि तयार गरिएको जिल्ला अस्पताल रामेछापका आइसोलेसनका बेड खाली हुँदै गएका छन् ।
संक्रिय कोरोना संक्रमितहरु राख्नको लागि तयार गरिएको जिल्ला अस्पताल रामेछापका आइसोलेसन बेड खाली हुने क्रम बढेको हो । हाल जिल्ला अस्पताल रामेछापमा रहेको ३० वडा बेडहरु मध्ये १४ वेडमा मात्रै बिरामी रहेको जिल्ला अस्पताल रामेछापका अध्यक्ष रोशन पाख्रीनले जानकारी दिए ।
उनले भने– हाल जिल्लामा कोरोना लागेको संक्रिय संक्रमितहरु धेरै भएता पनि गम्भिर प्रकृतीका विरामीहरुलाई मात्रै जिल्ला अस्पतालको आइसोलेसन कक्षमा भर्ना गरेका छौं । कोरोनाबाट स्वास्थ्य अवस्था जटिल भएका विरामीहरुको प्रत्यक्ष स्वास्थ्यकर्मीहरुको निगरानीमा राख्नु पर्ने मात्रै विरामीहरुलाई अस्पतालको आइसोलेसन कक्षमा भर्ना गरेर उपचार गरिएको अध्यक्ष पाख्रीनले बताए ।


कोरोना लागेका तर संक्रमितको अवस्था सामान्य भएका विरामीहरुको हकमा उनीहरुलाई घरमा नै होम आइसोलेसनमा बस्न र स्वास्थ्यमा समस्या भएमा मात्रै जिल्ला अस्पतालमा खबर गर्न जिल्ला अस्पतालले जानकारी गराएको हो । कोरोना संक्रमित भएका विरामीको स्वास्थ्य अवस्थाको बिषयमा स्वास्थ्यकर्मीहरुले जानकारी लिने र उनीहरुलाई समस्या भएको खण्डमा तत्काल स्वास्थ्यकर्मीहरु घरघरमा नै पठाउने गरी तयार गरिएको जिल्ला अस्पताल रामेछापले जनाएको छ ।
रामेछापमा दोश्रो कोरोनाको लहरसँगै कोरोना संक्रमित हुनेको संख्या १ हजार ५ सय ८१ जना पुगेको छ । जसमा पिसिआर मार्फत परीक्षण गर्दा १ हजार १ सय ४ जना र एन्टिजेन परीक्षणबाट ४ सय ७७ जनामा कोरोना संक्रमण देखिएको हो । जिल्लामा पछिल्लो केही दिन यता परीक्षण दर घटेको छ ।

Facebook Comments Box

  •  
  •  
  •  
  •  
  •  
  •  
  •  
ad ad