चिकित्सक र औषधीसहित आयुर्वेद स्वास्थ्य केन्द्रको टिम संक्रमितको घरघरमा

प्रदेश ३ स्वास्थ्य

रामेछाप । विश्वभर फैलिएको दोश्रो कोरोनाको लहर सँगै जिल्लामा कोरोना संक्रमित विरामीको संख्या बृद्धि भएसँगै जिल्ला आयुर्वेद स्वास्थ्य केन्द्र मन्थलीले चिकित्सक सहित औषधी लिएर बिरामीको घरघरमा पुग्ने अभियान संचालन गरेको छ ।


कोरोनाका संक्रमितको संख्या बृद्धि सँगै अस्पतालका आइसोलेसन बेडमा बस्ने संक्रमितहरुको संख्या भन्दा बढी संख्या आ–आफ्नो घरमा होमआइसोलेसनमा बस्ने संक्रमितहरुको संख्या बढेका छन् । कोरोना सक्रिय सक्रमितहरु घरघरमा बस्न थालेपछि जिल्ला आयुर्वेद स्वास्थ्य केन्द्रले संक्रमित विरामीलाई परामर्श दिन चिकित्सक र उनीहरुको रोगप्रतिरोगात्मक क्षमता बढाउन आयुर्वेद औषधी लिएर विरामी भेटन् घरदैलो अभियान संचालन गरिएको जिल्ला आयुर्वेद स्वास्थ्य केन्द्रका आयुर्वेद चिकित्सक डा.नरेन्द्र प्रसाद गिरीले जानकारी दिए ।
उनले भने– पछिल्लो समय जिल्लामा कोरोना संक्रमितको संख्या बृद्धि भएसँगै ती सवै बिरामीलाई रोग सँग लड्न सक्ने आयुर्वेद औषधीहरु वितरण गर्दै आएका छौं । कार्यालयमा आउने बिरामीहरुलाई त वितरण गरेका छौं नी । यसवाहेक कोरोना संक्रमण देखिएर घरमै होमआइसोलेसनमा बसेका संक्रमित विरामीहरुलाई घरघरमा नै पुगेर आवश्यक परामर्श दिने र रोग प्रतिरोधात्मक क्षमता बढाउने औषधीहरु वितरण गर्ने काम शुरुवात गरिएको डा.गिरीले बताए ।


जिल्ला आयुर्वेद स्वास्थ्य केन्द्रले कोरोनाको दोश्रो लहर चले यता ९७ जना कोरोनाका विरामीहरुलाई सेवा प्रदान गरिसकेको छ । त्यसैगरी कोभिड–१९ बिरुद्ध स्वास्थ्य प्रर्वद्धनका लागि १ सय १० जनालाई सेवा प्रदान गरेको छ । त्यस्तै कार्यालयको चिकित्सक सहितको टोलीले मन्थली नगरपालिका भित्रका विभिन्न वडामा गरि ३१ जना संक्रिय संक्रमित विरामीहरुलाई चार प्रकारका आयुर्वेद औषधीहरु वितरण गरिएको जिल्ला आयुर्वेद स्वास्थ्य केन्द्रका बरिष्ठ कबिराज निरिक्षक दिपक कुमार कार्कीले जानकारी दिए ।


कोरोनाको दोश्रो लहरमा रामेछापमा बढी मात्रामा युवायुवती कोरोनाको उच्च जोखिममा रहेका छन् । कोरोना पिसीआर र एन्टेजीन परिक्षण गर्दा पोजेटिभ देखिने वित्तिकै धेरै सक्रमित विरामीहरु आत्तिने, डराउने र आत्मवल कमजोर पार्ने किसिमको लक्षण बढी मात्रामा देखिएकाले उनीहरुलाई घरघरमा नै पुगेर मनोपरामर्श दिने र आवश्यक औषधीहरु पुर्याउँदा संक्रमित बिरामीहरुमा उर्जा मिल्ने देखिएकाले जिल्लामा यो अभियान शुरुवात गरिएको जिल्ला आयुर्वेद स्वास्थ्य केन्द्रका अध्यक्ष गोपाल श्रेष्ठले जानकारी दिए ।
उनले भने– कोरोनाका विरामीका लागि कार्यालयमा भएको जे जती औषधी छ प्रदान गर्छौं । अपुग औषधीको हकमा सम्वन्धीत प्रदेश र संघीय मन्त्रालयसँग आवश्यक वजेट र औषधी समेत माग गरेर कोरोना संक्रमितको उपचारमा कतिवद्ध भएर अहोरात्र लागी पर्ने अध्यक्ष श्रेष्ठले बताए ।

Facebook Comments Box
ad