चिसापानीका सामाजिक संस्थाले खोले आपतकालिन सेवा केन्द्र

अर्थ प्रदेश ३ समाज
  •  
  •  
  •  
  •  
  •  
  •  
  •  

रामेछाप । मन्थली नगरपालिका वडा नं ८ चिसापानीका सामाजिक संस्थाहरु मिलेर कोरोना संक्रमितको उपचारको लागि आपतकालिन सेवा केन्द्र संञ्चालनमा ल्याएका छन् ।

गाउँमा कोरोना संक्रमणवाट बिरामी हुनेको संख्या दैनिक रुपमा बढिरहेका बेला उनीहरुले तत्कालको उपचारको लागि आपतकालिन सेवा केन्द्र सञ्चालनमा ल्याएका हुन् । चिसापानीमा रहेको समावेशी बचत तथा ऋण सहकारी संस्था, सिर्जनशिल युवा समाज र चिसापानी जनकल्याण समाज काठमाण्डौं (रामेछाप)ले सयुक्त रुपमा मिलेर गाउँमा कोरोना संक्रमण भएका बिरामीहरुलाई तत्काल राखेर उपचार गर्न उक्त केन्द्र सञ्चालनमा ल्याएको सिर्जनशिल युवा समाजका अध्यक्ष भुवन श्रेष्ठले जानकारी दिए ।


उनका अनुसार आपतकालिन सेवा केन्द्रको लागि मन्थली नगरपालिकाले प्राविधिक सहयोग गरेको थियो । हाल उक्त केन्द्र चिसापानीमा रहेको आयुर्वेद औषाधालयमा स्थापना गरिएको छ । सो केन्द्रमा बिरामीको लागि ३ वेड र आवश्यक अक्सिजन सहितको व्यवस्थापन गरिएको हो ।चिसापानीका तीनवटा सामाजिक संस्थाहरु मिलेर निमार्ण गरिएको उक्त आपतकालिन सेवा संञ्चालनको लागि समावेशी बचत तथा ऋण सहकारी संस्थाका अध्यक्ष गोपाल श्रेष्ठले मन्थली नगरपालिकाका प्रमुख प्रशासकिय अधिकृत लिलानाथ पौडेललाई सामाग्रीहरुको सूची सहितको पत्र हस्तान्तरण गरेका छन् । पछिल्लो समय चिसापानीमा पनि कोरोना संक्रमितको संख्या बढ्दै गएकाे छ ।

Facebook Comments Box

  •  
  •  
  •  
  •  
  •  
  •  
  •  
ad ad