रामेछाप उद्योग बाणिज्य संघमा ६ वेड अक्सिजन सहितको आइसोलेसन बेड

प्रदेश ३ स्वास्थ्य

रामेछाप । रामेछाप उद्योग बाणिज्य संघ रामेछापले आफ्नै भवनमा अक्सिजन सहितको ६ बेडको आइसोलेसन कक्ष निमार्ण गर्ने, साथै आवश्यक स्वास्थ्यकर्मी समेत राख्ने भएको भएको छ ।
हाल विश्वमा महामारीको रुपमा वढ्दै गइरहेको दोश्रो भेरियन्ट सहितको कोरोना भाइरसबाट जिल्लाका व्यवसायीहरु संक्रमित भएको खण्डमा अस्पतालमा बेड अभाव हुनसक्ने भन्दै रामेछाप उद्योग वाणिज्य संघले आफ्नै भवनमा तल्लो तलामा ६ वेड अक्सिजन सहितको आइसोलेसन कक्ष निमार्ण गर्ने आवश्यक स्वास्थ्यकर्मी समेत राख्ने निर्णय गरिएको रामेछाप उद्योग वाणिज्य संघका महासचिव नवराज  ढुंगेलले जानकारी  दिए ।
उनले भने– महामारीको रुपमा फैलिएको कोरोना भाइरसका कारण रामेछापमा पनि पछिल्लो समयमा दिनानुदिन संक्रमित हुनेको संख्या बढ्दै गएको छ । कोरोना भाइरसवाट कुनै व्यवसायीलाई संक्रमण भएको खण्डमा सहज तरिकाले राख्नको लागि आफ्नै भवनमा अक्सिजन सहितको आइसोलेसन कक्ष निमार्ण गर्ने गरी आइतवार रामेछाप उद्योग वाणिज्य संघमा वसेको पदाधिकारी तथा कार्य समिति सदस्यहरुको बैठकले सो निर्णय गरिएको महासचिव ढुंगेलले बताए ।
पछिल्लो समय जिल्लामा कोरोना संक्रमितको संख्या बढ्दै गएपछि अस्पताल र मेडिकलहरुमा पारा सिटामोल औषधी समेत अभाव भइरहेको बेला व्यवसायीहरुको छाता संस्था रामेछाप उद्योग वाणिज्य संघले यो विपत तथा महामारीमा पनि संवेदनशिल हुँदै नेपाल सरकारलाई सहयोग पुर्याउँदै आएको उद्योग वाणिज्य संघका कार्यकारी अधिकृत नबीन केसीले जानकारी दिए ।


कोरोना महामारीको समयमा पनि जिल्लाका व्यवसायीहरुले स्वास्थ्य मापदण्ड अपनाउने, सामाजिक दुरी कायम गर्दै आम उपभोक्ताहरुलाई अत्यावश्यक दैनिक उपभोग्य सामाग्रीहरु बिक्रीवितरण गर्दै आएको रामेछाप उद्योग वाणिज्य संघका सचिव सुरेश उदासले जानकारी दिए ।
उनले भने– महामारीको समयमा जिल्लाका आम व्यवसायीहरुलाई सहज र सरल तरिकाले अत्यावश्यक सामाग्रीहरुको व्यवसाय संञ्चालन गर्न अनुरोध गरेका छौं । त्यस्तै व्यवसायीहरुको हितको लागि संघको सचिवालय स्वास्थ्य मापदण्ड पुरा गरेर कार्यालय दैनिक संञ्चालनमा ल्याएको पनि सचिव उदासले बताए ।
कोरोना संक्रमितको संख्या दैनिक बृद्धि भएसँगै अस्पतालहरुमा अक्सिजनको अभाव सँगै आइसोलेसन बेड समेतको अभाव हुँदै गएपछि रामेछाप उद्योग वाणिज्य संघले आफ्नै पहलमा ६ वटा अक्सिजन सहितको आइसोलेसन वेड तयार गर्न लागिएको रामेछाप उद्योग वाणिज्य संघका अध्यक्ष केशवप्रसाद घिमिरेले जानकारी दिए ।
हाल रामेछाप उद्योग वाणिज्य संघमा जिल्लाभरका गरि कुल १ हजार ४ सय व्यवसायीहरु सदस्य रहेका छन् । वाणिज्य संघले व्यवसाय संचालन गर्नेहरुलाई सदस्यता विस्तार गर्दै आएको छ । यस अभियानलाई संघले थप विस्तार गर्दै लैजाने जनाएको छ ।

Facebook Comments Box
ad