रामेछाप बजार उच्च जोखिमयुक्त क्षेत्र घोषना गदै निषेधाज्ञा जारी

प्रदेश ३ समाज

रामेछाप । रामेछाप नगरपालिकाले नगरपालिकाका सबै बजार क्षेत्रलाई उच्च जोखिमयुक्त क्षेत्र तोकी वैशाख २७ गते सम्मका लागि निषेधाज्ञा जारी गरेको छ । नगरपालिकाले प्रेस बिज्ञप्ती जारी गर्दै नगरवासीलाई अत्यावश्यक काममा बाहेक घर बाहिर निस्कन र हिडडुल नगर्न समेत अनुरोध गरेको छ ।
प्रेस बिज्ञप्ती मार्फत नगरपालिकाले विश्वभर नयाँ भेरियेन्ट सहितको कोरोना भाइरस ( कोभिड–१९ ) महामारीको दोस्रो लहर देश व्यापी रुपमा फैलिदै हाल रामेछाप नगरपालिकामा समेत महामारीको रुपमा फैलिई सकेको भन्दै सबैलाई सर्तक बन्न अनुरोध गरेको छ ।
रामेछाप नगरपालिका स्तरीय ( कोभिड–१९ ) रोकथाम, नियन्त्रण तथा निर्देशन समितिको बैशाख २० को निर्णय तथा जिल्ला प्रशासन कार्यालय मन्थली रामेछापको बैशाख २१ गतेको निर्णय बमोजिम नगरपालिकाका सबै बजार क्षेत्रलाई उच्च जोखिमयुक्त क्षेत्र तोकी वैशाख २७ गते सम्मका लागि अत्यावश्यक काममा बाहेक घर बाहिर निस्कन र हिडडुल गर्न नपाउने गरी रामेछाप नगरपालिकाबाट निषेधाज्ञा जारी भई सकेको छ जानकारी समेत गराएको छ । नगर उपप्रमुख तथा न्यायिक समितीका ंसयोजक सृर्जना खड्कालेको भयावह र विषम परिस्थितीमा आम नगरबासीहरुको स्वास्थ्य सुरक्षालाई ध्यानमा राखी अवधिभर नगरपालिकाको न्यायिक समितिबाट प्रदान गरिने सेवा प्रवाह तथा न्याय सम्पादनका कार्यहरु स्थगित गरिएको व्यहोरा समेत जानकारी गराउदछौं भनेको छ । नगरपालिकाबाट जारी गरिएको निषेधाज्ञाको पूर्णरुपमा पालना गर्दै कोरोना आइसका संक्रमणबाट बच्न तथा आ–आफ्नो स्वास्थ्य सुरक्षा मजबुत बनाउनु हुन सम्पूर्ण नगरवासीलाई अनुरोध समेत गरेको छ । नगरपालिकाले बजार उच्च जोखिमयुक्त क्षेत्र घोषना गदै बन्दगर्नु परेको र यस बाट पर्न गएको असुविधा प्रति न्यायिक समिती क्षेमा प्रार्थी छु समेत भनेको छ ।

Facebook Comments Box
ad