कोरोनाबाट मृत्यु भएकी महिला संगै सुत्केरी महिला आएकी थिइन

Uncategorized

दोलखा । कोरोना भाइरस संक्रमणका कारण मृत्यु भएकी महिला संगै एक सित्केरी महिला पनी काठमाण्डौ बाट संगै दोलखा आएको बताइएको छ । भक्तपुर माईतीघर भएकी ति महिला वैशाख १३ गते विस्केट जात्रा हेरेर माईतीघरबाट फर्किएकी थिइन् । मृतक महिला माईतीबाट घर फर्कने क्रममा उनीसँगै काठमाडौंबाट सुत्केरी महिला,उनका श्रीमान, ससुरा र सवारी चालक आएको बताइएको छ । कोरोना संक्रमित महिलाको मृत्यु भएपछि उनीसँगै आएका मानिसहरु पनि कोरोनाको जोखिममा परेको हुनसक्ने अनुमान गरिएको छ । यद्यपी मृतकका श्रीमान, ससुरा र देवरको कोरोना परिक्षणको रिर्पोट नेगेटिभ आएको पारिवारीक स्रोत बताएको छ । छिमेकी महिलाको कोरोनाका कारण मृत्यु भएपछि स्थानीयमा थप त्रास बढेको छ ।
कोरोना संक्रमित महिलालाई काठमाडौंमा उपचारका लागि लिएर गएको बोलेरोले अन्य यात्रु तथा विवाहको जन्ती समेत बोकेको पाइएको भीमेश्वर नगरपालिकाका स्वास्थ्य संयोजक श्यामबहादुर खड्काले जानकारी दिए । स्वास्थ्य संयोजक खड्काका अनुसार संक्रमणका कारण मृत्यु भएकी महिलाको परिवार र उनीसँगको सम्पर्कमा पुगेका व्यक्तिहरुलाई निगरानीमा राखेर ५ दिनपछि मात्रै स्वाब संकलन गरिने छ । स्वास्थ्य कार्यालय दोलखाका प्रमुख अर्जुन पौडेलले संक्रमणका कारण मृत्यु भएकी महिलाको सम्पर्कमा पुगेकाहरुको कन्ट्रयाक ट्रेसिङको काम सुरु गर्ने र उनीहरुलाई निगरानीमा राख्न नगरपालिकालाई आग्रह गरिसकेको बताएका छन । मुलुक भर कोरोना संक्रमितको संख्या बढीरहेका बेला दोलखामा पनि दिनदिनै संक्रमित थपिरहेका छन् भने दोस्रो लहरको कोरोना फैलिएपछि दोलखाकी एक महिलाको भक्तपुरमा उपचारका क्रममा मृत्यु भएको हो । उनी माईती घरमै रहेका बेला सामान्य रुघाखोकी, ज्वरो आएको र त्यहींबाट संक्रमित भएको ट्राभल हिस्ट्रीले देखाएको छ । मृतक महिलाको बुवा र आमा दुवै कोराना संक्रमित भएको र आमाको उपचारपछि निको भएपनि बुवा अहिले पनि भेन्टिलेटरमा रहेका छन् । कोरोना संक्रमण भएकी महिलाको स्वास्थ्यमा कुनै समस्या नदेखिए पनि संक्रमण पुष्टि भएको एक सातामै मृत्यु भएको पारिवारीक स्रोतले बताएको छ ।

Facebook Comments Box
ad