माथिल्लो तामाकोशीको मुख्य सुरुङमा पानी पठाउन शुरु

Uncategorized
  •  
  •  
  •  
  •  
  •  
  •  
  •  

दोलखा । राष्ट्रिय गौरवको योजनाको रुपमा रहेको दोलखाको माथिल्लो तामाकोशी जलविद्युत आयोजनाको मुख्य सुरुङमा पानी पठाईएको छ । माथिल्लो तामाकोशी जलविद्युत आयोजनाको वालुवा थिग्राउने डिस्यान्डर पोखरीमा जम्मा भएको पानी हिजो भरिएपछी मुख्य सुरुङमा पानी पठाइएको हो । डिस्यान्डर पोखरीमा रहेको १० वटा गेटमध्ये एउटा गेट खोलेर प्रतिसेकेण्ड १ सय लिटरका दरले पानी मुख्य सुरुङमा पठाइएको आयोजनका प्रवक्ता डा. गणेश न्यौपानेले जानकारी दिए ।

८ किलोमिटर लामो सुरुङमा पठाइएको पानी आज बेलुकीसम्म अपर पेनस्टक अडिटसम्म पुग्ने उनले बताए । वालुवा थिग्रयाउने डिस्यान्डर पोखरीमा वैशाख १५ गते पानी भर्न सुरु गरिएकोमा ४८ घण्टासम्म कुनै समस्या नदेखिएकाले आयोजनाको सुरुङमा पनि पानी पठाएर परिक्षण सुरु गरिएको उनले बताए । २२५ मिटर लम्बाई र २६ मिटर चौडाईका दुई वटा बालुवा थिग्राउने पोखरीमा पानी पर्दा कुनै समस्या नदेखिएको आयोजनाले जनाएको छ ।

माथिल्लो तामाकोशीको सुरुङमा प्रत्येक दिन पानीको मात्रा बढाउँदै लैजाने र कम्तिमा दुई सातासम्म सिभिल र हाईड्रो मेकानिकल संरचनाहरुको परिक्षण गरिने छ । सिभिल र हाईड्रोमेकानिकल संरचनाहरुमा पानी परिक्षण कार्य सफतापुर्वक सम्पन्न भएमा मुख्य सुरुङ र पेनस्टकमा जम्मा भएको पानीले भूमिगत विद्युतगृहमा जडान गरिएका ६ वटा टरवाईन र जेनेरेटहरहरुको क्रमैसँग परिक्षण र कमिसनिङ कार्य प्रारम्भ हुनेछ ।

लामावगरदेखि गोंगरसम्मको किलो मिटर सुरुङमा पानी पठाएर गरिने परिक्षण सफल भएपछि हेड रेस टनेलको परिक्षण सुरु गरिने छ । जलबिद्युत आयोजनाको सवैभन्दा संवेदनशील मानिने हेड रेस टनेलमा पानी परिक्षण सफल भएमा माथिल्लो तामाकोशीले जेठको दोश्रो साताभित्र एउटा युनिटवाट ७६ मेगावाट बिद्युत उत्पादन गर्नेछ ।
वैशाख १५ गते सरकारका प्रवक्ता एवम् सञ्चार तथा सुचना प्रविधिमन्त्री पार्वत गुरुङ र भौतिक पूर्वाधार तथा । यातायात मन्त्री बसन्तकुमार नेम्वाङ लामाबगर पुगेर डिस्यान्डर पोखरीमा पानी पठाउने कार्यको औपचारिक रुपमा सुभारम्भ गरेका थिए । लागत र निर्माण अवधि लम्बिएर महंगो बन्दै गएको माथिल्लो तामाकोशीको डिस्यान्डर पोखरीमा पानी पठाउनकै लागि दुई–दुई जना मन्त्री आयोजनाको खर्चमा हेलिकोप्टर चार्टर गरेर लामा मगर पुगेका थिए ।
ब्ब

Facebook Comments Box

  •  
  •  
  •  
  •  
  •  
  •  
  •  
ad ad