आगामी तीन दिनसम्म नै वायुुमण्डल स्थिर रहने

समाज स्वास्थ्य
  •  
  •  
  •  
  •  
  •  
  •  
  •  

रामेछाप । जल तथा मौसम विभागले आगामी तीन दिनसम्म वायुमण्डल स्थिर रहने र अहिले देखिएको घातक तुवालो लागेको विषम मौसमी अवस्था देखिएकाले तत्काल सुधार हुने अवस्था नदेखिएको जनाएको छ ।
मनसुनपूर्वको सोमवारसम्म पनि ज्यादै न्यून वर्षाभई वायुमण्डल सुक्खा भएकाले देशका विभिन्न ठाउँमा तुवाँलो लाग्नु सामान्य भएता पनि चैत्र १३ गतेदेखी देशका अधिकासं स्थानमा असामान्य तरिकाले तुवालो लागेको र यो तत्काल हटने अवस्था नदेखिएको मौसम विभागले जनाएको छ ।
केही दिनदेखी मुलुकका अधिकासं स्थानहरुमा वायुमण्डल स्थिर अवस्थामा रहेकाले प्रदुषणका कणहरु छरिन नपाई वायुमण्डलको तल्लो तहमै तैरिएर बसेका कारण असामान्य प्रकारको तुवाँलो लागेको हो । त्यसैगरी देशका धेरैजसो जिल्लाका सामुदायिक वन र निजी खरपाखामा लागेको डढेलोवाट निस्किएको धुवाँका कणहरु वायुमण्डलमा मिसिन गई असामान्य प्रकारको तुवाँलोको अवस्था आएको विभागका प्रवक्ता सुमनकुमार रेग्मीले सोमवार निकालेको प्रेस विज्ञप्तीमा उल्लेख गरिएको छ ।
अधिकासं जिल्लाहरुमा तुवाँलोको मात्रा अत्याधिक रहेकाले वायुमण्डलको पारदर्शितामा उल्लेखनीय रुपले न्यून गुन गई जनजीवन असामान्य हुन गएको हो । केहीदिन देखी लागेको तुवाँलोका कारण आँखा पोल्ने, श्वास फेर्न असजिलो हुने जस्ता समस्याले गर्दा स्वास्थ्यमा प्रतिकुल असर गर्ने भएकाले यसवाट वच्न अनावश्यक रुपमा घर वाहिर ननिस्कन यदी घरवाहिर निस्कनु परेको खण्डमा अनिवार्य रुपमा मास्कको प्रयोग गर्न विभागले सवैमा अनुरोध समेत गरेको छ ।
जल तथा मौसम विभागले अहिलेको मौसम आगामी तीनदिनसम्म थोरै चलायमान हुने देखिता नि तुवाँलोको अवस्थामा कस्तो हुने भन्ने अवस्था अहिले देशभर लागिरहेको डढेलोको अवस्थामा निर्भर रहने जनाएको छ । नेपालमा यसवर्ष पोष्ट–मनसुन सरदर भन्दा धेरै कम वर्षा भएको र हिउँदको समयमा पनि वर्षा कम भएको तथ्याङ्क विभागमा रहेको छ । मनसुनपूर्वको अहिलेसम्म पनि ज्यादै न्यून वर्षा भई वायुमण्डल सुक्खा भइरहेकाले जलवायु प्रारुपहरुले मार्च, अप्रिल र मे महिनामा नेपालमा औसत तापक्रम सरदरभन्दा बढी हुनसक्ने सम्भावना ६० देखी ८० प्रतिशत रहेको र सरदर भन्दा कम वर्षा हुने सम्भावना ४० देखी ६० प्रतिशत हुुने देखिएको विभागले निकालेको प्रेस विज्ञप्तीमा उल्लेख गरिएको छ । त्यसैगरी विभागले यस अवधिमा खानेपानीको अभाव, आगलागी तथा डढेलो जस्ता समस्याहरु हुनसक्ने भन्दै यस विषयमा समेत सबै पक्षको ध्यानकर्षण यसअघि नै गराइसकेको छ ।

Facebook Comments Box

  •  
  •  
  •  
  •  
  •  
  •  
  •  
ad ad