होली मेलामा झडप १० देखी १५ जनाको मृत्यु भएको आशंका

Uncategorized

रामेछाप । होली मेलामा झडप हुदा दुइजनाको मृत्यु भएको छ भने केहि युबा बेपत्ता भएको छ । बागलुङको बडिगाड गाउँपालिका–१० दर्लिङ र प्युठान जिल्लाको सिमानामा लागेको होली मेलामा युवाहरुबीच भएको झडप भएको थियो ।

भडपमा परी दुई युबाको भने ज्यान गएको वडा नं ९ का अध्यक्ष कृष्णबहादुर खत्रीले जानकारी दिए । गुल्मी, बागलुङ र प्युठानको सिमाना बल्देधुरीमा होली मनाउन गएका युवाबीच झडप हुँदा दुईको मृत्यु र केही युवा घाइते भएको हुनसक्ने खत्रीले बताएका छन् । झडपमा परी मृत्यु हुनेमा वर्ष ३६ का प्रकाश कुँवर र ३४ वर्षका दीपक दमाइ रहेका छन् । उनीहरुको शव बल्देधुरी भीरबाट ५०० मिटर तल खसेको अवस्थामा भेटिएको प्रहरी नायब उपनिरीक्षक इग्वाल हवारीले जानकारी दिए ।घटनास्थल मानव बस्तीभन्दा केही टाढा रहेको र त्यहाँ प्रहरी तथा जनप्रतिनिधि हिजो दिउँसो बडिगाड–१० बल्देधुरीमा तीन जिल्लाका करीब ६०० जना युवाहरु होली खेल्न उपस्थित भएका थिए ।

स्थानीयवासीका अनुसार झडपपछि बागलुङकै निसीखोला गाउँपालिका–७ र बडिगाड–१० का केही युवा बेपत्ता भएको आशङ्का गरिएको छ । घटनामा १० देखि १५ जनासम्मको मृत्यु भएको हुनसक्ने स्थानीयवासीले बताएका छन् । घटनापछि प्रहरी घटनास्थलतर्फ जाँदै गरेको इलाका प्रहरी कार्यालय भीमगिठेले जनाएको छ ।

Facebook Comments Box

ad ad