सुनकोशी नदी दोहन रोक्नखोज्दा प्रहरी प्रमुखको सरुवा

समाज

रामेछाप । सुनकोशी नदी दोहन रोक्नखोज्दा सिन्धुलीका प्रहरी प्रमुख प्रहरी उपरीक्षक आभुषण तिम्सिनाको तीन महिनामै सरुवामा भएको छ । प्रहरी उपरीक्षक तिम्सिनाले सुनकोशी नदी लगाएत सिन्धुली जिल्लको अन्य नदि नालामा प्राकृतिक स्रोत दोहन भएको भन्दै रोक्न खोज्दा सरुवा भएको छ ।
सिन्धुलीमा सरुव ाभएर आएको तीन महिनामै सिन्धुली प्रहरी प्रमुख प्रहरी उपरीक्षक (एसपी) आभुषण तिम्सिनाको काज सरुवा भएको हो । सुनकोशी दोहन र अन्य खोलाहरुमा अबैध खोलिएका क्रसरहरु नियमन गर्ने, गाँजा फडानी गर्ने लगाएत पुराना मुद्धाको फस्र्यौट लागि अभियूक्तहरुको पक्राउलाई प्राथमिकता दिन लागेपछी उपरीक्षक तिम्सिनाको शरुवा भएको सिन्धुलीका नागरीकहरुको भनाई छ । उपरीक्षक तिम्सिना गएको पुष महिनामा सिन्धुलीमा सरुवा भएर आएका थिए । तीन महिनामै प्रहरी प्रधान कार्यालयले फिर्ता बोलाउनुमा क्रसर संचालकहरुको माथिको कनेक्सन संग जोडेर हेरिएको छ ।
सुनकोश्ीनदीमा बालुवा प्रशोधन केन्द्रका नाममा दर्जनौ क्रसरहरु अबैध संचालनमा रहेका छन् । ती वालुवा प्रशोधन केन्द्र वातावरण प्रभाव मुल्यांकन बिनै संचालनमा आएको र राष्ट्रिय राजमार्ग संग जोडिएकाले अबैध रहेको सूचना पाएपछि उपरीक्षक तिम्सिनाले बन्द गर्ने प्रयास गरेका थिए । अबैध उत्खनन् र प्रशोधनमा रहेका सबैलाई कानूनी दायरामा ल्याउन शुरु मात्र गरेका एसपी तिमिल्सीनाको काजमा सरुवा भएको हो ।
सुनकोशीमा वालुवा प्रशोधन केन्द्र भनि दर्ता भएर क्रसर उद्योग संचालन गर्दै आएका प्रशोधन केन्द्रहरु यतिखेर बन्द प्राय छन् । सबैलाइ मापदण्ड पु¥याएर मात्र संचालन गर्न उर्दी भएपछि क्रसर संचालकहरु उपरीक्षक तिम्सिनाको सरुवाको लागि गृह मन्त्रालय धाउन थालेका थिए । सदरमुकाम सिन्धुलीमाडीको ग्वाङखोला, कमलानदी, चुदाहाखोला, मरिणखोला, लगाएतमा ढुंगा, वालुवा, गिट्टीको ठेक्का नलागी दोहन हुन नदिने उपरीक्षक तिम्सिनाले अडान लिएपछि स्थानीय तहहरुले टेण्डर आह्वान गर्न थालेका थिए ।
प्रहरीका अनुसार उपरीक्षक तिम्सिनालाई प्रहरी प्रधान कार्यालय महानिरिक्षकको सचिवालयमा तानिएको छ भने सिन्धुलीमा सर्वोच्च अदालत सुरक्षामा रहननु भएका गोविन्द थपलियालाई पठाइएको छ ।

Facebook Comments Box
ad