कोरोनाको जोखिम वढेसँगै प्रशासनले सुरक्षा मापदण्डमा कडाई गर्ने

प्रदेश ३ समाज
  •  
  •  
  •  
  •  
  •  
  •  
  •  

रामेछाप । पछिल्लो समय नेपालमा पनि कोरोना भाइरसको जोखिम पुनः बढेपछि गृहमन्त्रालयले ७७ वटै जिल्लाका जिल्ला प्रशासन कार्यालयलाई थप सुरक्षा मापदण्डमा कडाई गर्न निर्देशन दिएको छ ।
गृह मन्त्रालयले सोमवार ७७ वटै जिल्ला प्रशासन कार्यालयलाई सुरक्षा मापदण्ड कडाई गर्न निर्देशन दिएको हो । छिमेकी मुलुक भारतमा दैनिक रुपमा कोरोना भाइरसका संक्रमणका बिरामीहरु बढ्न थालेपछि नेपालको सिमानामा कडाई गरिनु पर्ने, स्वास्थ्य मापदण्डमा कडाई गर्नुपर्ने, अनावश्यक भीडभाड र विभिन्न कार्यक्रमहरु बन्द गराउनुपर्ने, धेरै नागरिकहरु जम्मा हुने, भेला सम्मेलन हुने लगाएतका कार्यक्रमहरु बन्द गराउनुपर्ने लगाएतका निर्देशन गृह मन्त्रालयले सबै जिल्ला प्रशासन कार्यालयलाई गराएको हो ।
त्यसैगरी गृह मन्त्रालयले सवै जिल्ला प्रशासन कार्यालयहरुलाई क्वारेन्टाइनदेखी आइसोलेशन कक्ष तयारी कक्षामा राख्नुपर्ने लगाएतका बिषयमा समेत जानकारी गराएको हो । त्यस्तै पछिल्लो समय नेपालमा पनि कोरोना भाइरसका विरामीहरुको संख्यामा दैनिक रुपमा बृद्धि हुन थालेपछि सतर्कता अपनाउन चिकित्सकहरुले सुुझाव दिएका छन् ।
कोरोना संक्रमण बढ्दै जाँदा यसवर्षको होली लगाएतका चाडपर्वको बेला झनै संक्रमण बढ्ने भएकाले यसवर्षको होली पर्व मनाउदा सावधानी अपनाएर होली मनाउन गृह मन्त्रालयले सर्वसाधारण नागरिकहरुलाई आग्रह समेत गरेको छ ।

Facebook Comments Box

  •  
  •  
  •  
  •  
  •  
  •  
  •  
ad ad