प्रधानमन्त्री बन्नुभन्दा पनि पार्टी बनाउन लाग्नुपर्छ ः सभापति देउवा

राजनीति
  •  
  •  
  •  
  •  
  •  
  •  
  •  

चितवन । नेपाली कांग्रेस तरुण विभागले रत्ननगरमा आयोजना गरेको युवा तरुण जागरण भेलामा बोल्दै नेपाली कांग्रेसका सभापति एवं पूर्वप्रधानमन्त्री शेरवहादुर देउवाले अहिले कांग्रेस प्रधानमन्त्री पदका लागि भन्दा पनि पार्टी बनाउन लाग्नुपर्ने बताएका छन् ।
युवा तरुण जागरण भेलालाई सम्बोधनको क्रममा देउबाले अहिले प्रधानमन्त्री बन्नुभन्दा कांग्रेसलाई निर्वाचनमा पहिलो पार्टी बनाउने समय आएको भन्दै उहाँले भन्नुभयो, “प्रधानमन्त्री बन्नुभन्दा पार्टी बनाउन लाग्नुपर्छ । टाउकामा जिम्मेवारी आयो भने पछि पर्ने वाला पनि छैन ।”
सभापति देउवाले अहिले मधेशवादी दल, माओवादी केन्द्र र नेकपा एमालेका ओली र नेपाल पक्षको सयुक्त सरकार छ कसैले समर्थण फिर्ता लिएको छैन त्यसकारण हामी प्रधानमन्त्री बन्ने र बनाउने भन्दा पनी आपसी मतभेदको अन्त्य गर्दै निर्वाचनमा गएर पार्टीलाई शक्तिशाली बनाउन तर्फ लाग्नु पर्ने बताएको छ । सभापती देउवाले निर्वाचनको तयारी गर्ने नेता तथा कार्यकर्तालाई आग्रह गरेका छन । सभापति देउवाले स्थानीय तहदेखि सङ्घीय तहसम्म निर्वाचन हुने भएकाले सबैलाई व्यवस्थापन गर्न सकिने बताउँदै जनताको घर दैलोमा गएर निर्वाचनका लागि तयारी गर्न कार्यकर्तालाई निर्देशन दिएका छन् ।

Facebook Comments Box

  •  
  •  
  •  
  •  
  •  
  •  
  •  
ad ad