वडा सचिव पोखरेल चार लाख रकम सहित रंगेहात पक्राउ

अर्थ प्रदेश ३

काठमाडौं । काठमाडौं महानगरपालिका वडा नम्बर ३० का वडा सचिव चार लाख रुपैयाँ घूस लिँदालिँदै बिहिबार पक्राउ परेको छ । अख्तियार दुरुपयोग अनुसन्धान आयोगको टोलीले वडा कार्यालय वाट घुस रकम लिदा लिदै सचिव भरत कुमार पोखरेललाई रंगेहात पक्राउ गरेकोे हो । अख्तियार दुरुपयोग अनुसन्धान आयोगकमा आफुले कामगरेको भुक्तानी माग्दा लामो समय सम्म रकम निकासामा सिफारीस नगरी निकासा रोकेर घूस मागेको भन्दै ठेकेदारले सुचना दिएपछी सचिबलाई रंगेहात पक्राउ गरेको हो ।
ठेकेदार निकट एक व्यक्तिका अनुसार वडाका सचिब मात्र नभएर सबै पदाधिकारी सबैले मिलेर घूस खान खोजेका थिए । घूस नदिई भुक्तानी नपाइने भएपछि अख्तियारको शरणमा आफुहरु पुगेको ठेकेदार निकट ती व्यक्तिले भने । उक्त ब्यक्तीले दिएको जानकारी अनुसार अख्तियारको स्टिङ अप्रेशन टिम वडा कार्यालय पुग्दा सचिव पोखरेलले चार लाख रुपैयाँ दराजमा राखी सकेका थिए तर सचिबले पैसा आफ्नो दराजमा नराखी इन्जिनियरको दराजमा राखेका थिए ।
सचिव पोखरेलले लिएको चार लाख रुपैयाँका प्रत्येक नोट अख्तियारले फोटोकपी गरेको थियो । रकम बरामद भएपछि पोखरेलले सो रकम घूसको होइन भनी दावी गरे तर, अख्तियारको टोलीले नोटको फोटोकपी नै अगाडि राखिदिएपछि पोखरेल स्तब्ध भएका थिए ।

सनराइज खबर बाट

Facebook Comments Box
ad