गृहमन्त्री थापा गद्दारः माओवादी अध्यक्ष प्रचण्ड

प्रदेश ३ राजनीति संसद

रामेछाप । सिन्धुलीमाढीमा आज प्रेस संगठन नेपालले आयोजना गरेको पत्रकार भेटघाटको क्रममा नेकपा माओवादी केन्द्रका अध्यक्ष पुष्पकमल दाहाल प्रचण्डले गृहमन्त्री राम बहादुर थापालाई गद्दारको संज्ञा दिएको छ ।
अध्यक्ष प्रचण्डले भने सबै तिरबाट सकीसकेको मान्छेलाई रोएपछि विश्वास गरेर मन्त्रीमा पठाए अहिले सबै मन्त्री भन्दा महँगो मन्त्रीको रुपमा बिक्री भएछ भन्दै अध्यक्ष प्रचण्डले यस्ता गद्दारलाई जनताले माफी नदीने बताए ।
अध्यक्ष प्रचण्डले २७ बर्ष पुरानो सम्बन्धलाई ताजा गर्ने उद्देश्यले अनौपचारिक भ्रमणमा आफु सिन्धुली आएको बताएका छन । अध्यक्ष प्रचण्डले पार्टी भित्र विवाद तथा अन्तरसंघर्ष चलिरहने र यो सामान्य कुरा भएको बताएका छन् ।
अर्को प्रशंगमा प्रचण्डले भने नेपालमा बृहत्त कम्युनिष्ट एकता अहिले पनि आवश्यकता रहेको भन्दै एमाले, माओवादी र अरु कम्युनिष्टहरु संग पनि एकताबद्ध भएर अघी बढ्न आफु तयार रहेको बताए ।
प्रचण्डले कम्युनिष्ट आन्दोलनलाई एकताबद्ध गर्न एमालेलाई अगाडी बढ्न अपिल गर्दै माधब नेपाल लगायतका एमालेका साथीहरुले फेरी कम्युनिष्ट एकता प्रकृयामा अघि बढउने बिश्वासमा आफुमा रहेको भन्दै कम्युनिष्ट आन्दोलनलाई एकताबद्ध गर्न एमाले लगाएत प्रधानमन्त्री वलीलाई आग्रह गरेको छ ।

Facebook Comments Box
ad