ट्राफिक प्रहरी द्वारा विद्यार्थीलाई ट्राफिक नियम बारे जानकारी

प्रदेश ३ शिक्षा समाज

रामेछाप । जिल्ला ट्राफिक प्रहरी कार्यालय रामेछापले विद्यार्थीहरुलाई ट्राफिक नियम सम्बन्धी जानकारी गराएको छ । ट्राफिक प्रहरीले सुरक्षित रुपमा सडकमा हिँड्न सिकाउनका साथै ट्राफिक नियम पालना नगर्दा हुन सक्ने घटनाको बारेमा जानकारी समेत दिएको छ । विद्यार्थीलाई जथाभावी सडकमा हिँड्दा हुनसक्ने सम्भावित जोखिमलाई ध्यानमा राखेर ट्राफिक नियमको बारेमा जानकारी दिदा जिल्लामा ट्राफिक सम्बन्धी समस्या कम हुनका साथै दुर्घटनामा पनी कमी आउने आफुले विश्वास लिएको जिल्ला ट्राफिक प्रहरी कार्यालय रामेछापका प्रमुख प्रहरी सहायक निरीक्षक रामेश्वर पाण्डेले बताए ।
सदरमुकाम मन्थलीका विद्यालयमा अध्ययनरत विद्यार्थीहरुलाई ट्राफिक नियम र सुरक्षाका बारेमा जानकारी दिदै सडकमा सुरक्षित तरवमा हिँड्न सिकाउने अभियान सुरु गरिएको प्रमुख पाण्डेले बताए । सकडमा सवारी चाप बढेको बेलामा विद्यार्थीहरु जथाभावी रुपमा हिँड्दा दुर्घटनाको जोखिम बढ्ने सम्भावना रहेकाले यसलाई कम गर्नका लागि विद्यार्थीहरुलाई सडक छेउबाट हिँड्न सिकाउने अभियान सुरु गरिएको उनको भनाई छ ।
बजार क्षेत्रमा ट्राफिक नियमको पालना सङ्गै विद्यार्थीहरुलाई सुरक्षित तरवमा हिँड्न आग्रह गर्दै ट्राफिक प्रहरीले विभिन्न विद्यालयको हाताभित्र गएर ट्राफिक नियमको जानकारी गराउदै सुरक्षित रुपमा सडक छेउबाट हिँडिरहेका विद्यार्थीहरुको फोटो समेत प्रर्दशन गरेर बिद्यार्थीहरुलाई देखाएका थिए । दुर्घटना कम गर्न जिल्ला ट्राफिक प्रहरी रामेछापले सडकमा हिंड्दा सडक छेउबाट हिँड्ने गरौं लेखिएको चेतनामूलक बोर्डहरु पनि बिभिन्न स्थानमा राखेको छ ।
मन्थली माध्यामिक विद्यालयका प्रधानाध्यापक टंक प्रसाद दाहालले ट्राफिक प्रहरीले विद्यार्थीलाई सडकमा सुरक्षीत रुपमा हिँड्न सिकाउने र ट्राफिक नियम सम्बन्धी सचेतना फैलाउने अभियान निकै राम्रो भएको बताएका छन् । सानो तर धेरै सवारी तथा ढुवानीका साधन गुड्ने मन्थली बजारको सडक पेटीबाट सुरक्षित र व्यवस्थित तरवले हिड्न विद्यार्थीहरुलाई सिकाउने यो अभियानले विद्यालयमा पढ्ने विद्यार्थी र उनका अभिभावकलाई थप सुरक्षित बनाएको प्रधानाध्यापक दहालको भनाई छ । दाहालले विद्यालयमा सिकाउने हरेक कुरालाई विद्यार्थीले सही मानेर सिक्ने भएकोले समय समयमा ट्राफिक नियम र सुरक्षाका बारेमा विद्यालयमै आएर जानकार गराउन ट्राफिक प्रहरी कार्यालय रामेछापलाई आग्रह गरेका छन ।

Facebook Comments Box
ad