राजयोग सेवा केन्द्र समाज परिवर्तनको संवाहक ः प्रजिअ सैजु

प्रदेश ३ शिक्षा समाज

रामेछाप । प्रमुख जिल्ला अधिकारी गौलोचन सैजुले राजयोग सेवा केन्द्र समाज परिवर्तनको संवाहक भएको बताएका छन् । राजयोग सेवा केन्द्र मन्थलीले महा शिबरात्रीको अबसर पारेर संस्थाको झण्डोत्तोलन तथा प्रवचन कार्यक्रमलाई सम्बोधन गर्दै प्रजिअ सैजुले राजयोग सेवा केन्द्र समाज परिवर्तनको संवाहक भएको भन्दै यसले गरेका कर्महरुले समाजलाई सकरात्मक दिसामा लैजान महत्मपुर्ण भूमिका निर्वाह गरेको बताउनु भयो ।
उहाँले रामेछापमा मात्र नभएर सेवा केन्द्रले मुलुकभर संस्थागत रुपमा खेलेको भूमिकाको प्रशंसा पनि गर्नु भयो । पछिल्लो समयमा मानिसहरुमा अंहबादी चरित्र झाँगिएको र नयाँ पुस्तामा समेत त्यसको प्रत्यक्ष असर पर्दे गएकोले त्यसलाई सहि मार्गमा ल्याउन पनि राजयोग सेवा केन्द्रको अभियानमा सबैलाई साथ दिन आग्रह गर्नु भयो ।


केन्द्रको प्रमुख विष्णु दीदीको अध्यक्षतामा भएको प्रवचन कार्यक्रममा राजयोग सेवा केन्द्रका अगुवा एवं प्रशिक्षक भरत कुमार श्रेष्ठले केन्द्रमा नियमित रुपमा गरिने ध्यान योग र प्रवचन बाट प्रभावित भएर राजयोग सेवा केन्द्रमा सत्संगका लागि नियमित रुपमा आउने भक्तजनहरु उल्लेख्य रुपमा बृद्धि भएकोले त्यसबाट आफुहरु उत्साहित भएको बताउनु भयो । उहाँले राजयोग सेवा संगको सत्संगले मानिसहरुमा सकारात्मक तरिकाले जीवन जिउने आधारशिला खडा हुनुका साथै नियमित आहार विहारको शिक्षा समेत दिने भएकोले पनि यसको महत्व बढेको बताउनु भयो ।
कार्यक्रममा मन्थली नगरपालीकाका प्रमुख प्रशासकिय अधिकृत लिलानाथ पौडेल रामेछाप नगरपालीका वडा नं १ का वडा अध्यक्ष नारायण दास श्रेष्ठ लगायतका बक्ताहरुले राजयोग सेवा केन्द्रले नियमित रुपमा गर्नै गराउने ब्यवहारलाई सबैले ब्यवहारमा ढाल्न सके पनि समाजमा मर्यादित र अनुशासित मानिसको संख्यामा बृद्धि हुने धारणा राख्नु भयो । सो अबसरमा निर्माणाधिन भबन निर्माणका लागि स्थानिय समाजसेवी तथा मन्थली नगरपालीका वडा नं १ का अध्यक्ष नारायण दास श्रेष्ठले सहयोग स्वरुप ५० बोरा सिमेन्ट उपलब्ध गराउने घोषणा गर्नु भएको थियो ।

Facebook Comments Box
ad