जिल्लालाई शुसानमैत्री बनाउँछु– प्रजिअ सैजु

प्रदेश ३ संसद
  •  
  •  
  •  
  •  
  •  
  •  
  •  

रामेछाप । प्रमुख जिल्ला अधिकारीको रुपमा मंगलवार देखी रामेछाप जिल्ला प्रशासन कार्यालयमा हाजिर भएका प्रमुख जिल्ला अधिकारी गौलोचन सैजुले समग्र जिल्लालाई शुसान मैत्री बनाउने बताएका छन् ।
सो कुरा उनले वुधवार जिल्ला प्रशासन कार्यालय रामेछापको सभाहलमा भएको पत्रकारहरुसँगको छलफल कार्यक्रममा बताएका हुन् । उनले जिल्लाको समग्र अवस्थाको बिषयमा विभिन्न संचारमाध्यमहरुमा आवद्ध भई काम गर्दै आएका संचारकर्मीहरुसँग राय संकलन गर्ने र त्यसको वरिपरी रहेर काम गर्ने गरि पत्रकारहरुसँग अन्र्तक्रिया कार्यक्रम गरेका हुन् ।
प्रमुख जिल्ला अधिकारीले आयोजना गरेको पत्रकार भेटघाट कार्यक्रममा विभिन्न जिल्लाका समस्याको बिषयमा पत्रकारहरुले जानकारी गराएका थिए । पछिल्लो समयमा जिल्लामा अस्तवस्यत वजार अनुगमन, नियम विपरित क्रसर उद्योग संचालन र नदी दोहन, नदीजन्य पदार्थ उत्खनन गर्न नदीको धार परिवर्तन, जिल्लामा संचालन भएका सवारीसाधनले मनलाग्दी भाडा लिने गरेको जस्ता समस्याहरुको बिषयमा पत्रकारहरुले जानकारी गराएका थिए ।


त्यसैगरी सरकारी कार्यालयका सवारीसाधनहरु सार्वजनिक विदाका दिनमा पनि मनलाग्दी तरिकाले गुड्ने गरेको, सरकारी कार्यालयका सूचनाहरु लुकाउने गरेको, कार्यालयले सार्वजनिक गर्नुपर्ने सूचनाहरु लुकाउने गर समयअवधि सकिएपछि ती सूचनाहरु कार्यालयको वेभसाइटमा लोड गर्ने जस्ता समस्याहरु जिल्लामा बग्रेल्ती रहेको पत्रकारहरुले प्रजिअ समक्ष राखेका थिए ।
पत्रकारहरुको गुनासो सुनेका प्रजिअ सैजुले आफ्नो कार्यकालमा जिल्लाको शुसान क्षेत्रमा खुलेर काम गर्ने बताए । उनले भने– जिल्लाको समग्र समस्या मैले तपाइहरुवाट सुने, म त्यसलाई पालना गर्न र नियम विपरित कार्य गर्नेलाई कानुन अनुसार कारवाही गर्ने छु । सरकारी कार्यालयले सूचना लुकाएर नदिने गरेको बिषयमा तत्काल सवै सरकारी कार्यालयका सूचना अधिकारीलाई बोलाएर त्यस बिषयमा छलफल चलाउने जानकारी दिए ।

Facebook Comments Box

  •  
  •  
  •  
  •  
  •  
  •  
  •  
ad ad