प्रतिवादीलाई छुटाईदिन्छौ भनि ठगी गर्ने पक्राउ

प्रदेश ४ समाज

पोखरा । पोखरा महानगरपालिका–१७ राष्ट्रबैंक चोक बाट जबरजस्ती करणी मुद्धाका प्रतिवादीलाई छुटाईदिन्छौ भनी रकम ठगी गरेको अभियोगमा २ जनालाई प्रहरीले प्रकाउ परेको छ । जबरजस्ती करणी मुद्धाका प्रतिवादीलाई प्रहरी, वकिल र अदालतसंग आफ्नो सेटिङ भएको भन्दै १ करोड रकम दिए मिलाई दिन्छु भन्दै रकम असुल्न खोजेको उनिहरुलाई आरोप लागेको छ ।

उनिहरुले १ करोड रकम दिए छुट्छस नत्र १५ बर्ष जेल जान्छस भनी धम्कि दिने र बिश्वास दिलाई १२ लाखको चेक र १ लाख १० हजार नगद लिई ठगी गरेको भन्ने सूचनाको आधारमा जिल्ला प्रहरी कार्यालय कास्कीबाट खटिएको प्रहरीले उनीहरुलाई पक्राउ गरेको हो । प्रहरीले उक्त कुराको आरोबको आधारमा बुधबार पोखरा महानगरपालिका–५ मालेपाटन ठेगाना भई सोही महानगरपालिका–८ बस्ने ५८ बर्षीय सुर्यलाल खड्का र पोखरा महानगरपालिका–२५ हेम्जा बस्ने धादिङ गंगाजमुना गाउँपालिका–१ स्थायी घर भएका ३९ बर्षीय कमन भन्ने कमान बहादुर तामाङ रहेका छन् ।

उनीहरुको साथबाट कामना सेवा विकास बैंकको ६ लाख लेखिएको २ वटा चेक, विभिन्न बैंकको चेक तथा भौचरहरु र ४ थान मोबाइल समेत प्रहरीले बरामद गरेको छ । उनीहरु उपर जिल्ला अदालत कास्कीबाट ठगी आपराधिक बिश्वासघात तथा आपराधिक लाभ (एक्सटर्सन) सम्बन्धी कसूर अन्तर्गत ७ दिन म्याद थप भई अनुसन्धान अगाडि बढाइएको जिल्ला प्रहरी कार्यालय कास्कीले जनाएको छ ।

Facebook Comments Box
ad