प्रधानमन्त्रीको रेसमा म छैन्– देउवा

प्रदेश ३ राजनीति
  •  
  •  
  •  
  •  
  •  
  •  
  •  

काठमाण्डौं । नेपाली काँग्रेसका सभापति शेरवहादुर देउवाले अहिले आफु प्रधानमन्त्री हुने रेसमा नभएको बताएका छन् ।
शनिबार बूढानीलकण्ठस्थित आफ्नै निवासमा नेपाल विद्यार्थीसंघका पूर्वअध्यक्ष नैनसिंह महरले लेखेको “महाकाण्ड” नामक पुस्तकको विमोचन कार्यक्रममा बोल्दै सभापति देउवाले अहिलेको अवस्थामा आफु प्रधानमन्त्री हुने दौडमा नरहेको बताएका छन् ।
संसदको पुनः स्थापनापछि अबको प्रधानमन्त्री देउवा भन्ने चर्चा चलिरहेको बेला देउवाले भने–विपक्षी दलको नेता प्राइममिनिस्टर इन वेइटिङ हो । म अहिलेको अवस्थामा प्रधानमन्त्री हुने रेसम छैन । मैले प्रधानमन्त्री हुनै चाहेको पनि छैन् । त्यस्तै अर्को प्रसंगमा देउवाले प्रतिनिधिसभा विघटनसम्वन्धीको मुद्धा अझै सर्वोच्च अदालतमा विचाराधीन रहेकाले नेपाली काँग्रेस सडकमा ननिस्कीएको बताए । संसदीय व्यवस्थामा अदालतलाई यो वा त्यो गर भन्न नहुने देउवाले बताए ।
संसद पुनःस्थापनाभए सँगै व्यवहारिक रुपमा नै विभाजित बनेको नेपाल कम्युनिष्ट पार्टी नेकपाका प्रधानमन्त्री केपी शर्मा ओली समूह र पुष्पकलम दाहाल–माधव नेपाल समुह आफ्नो नेतृत्वमा नयाँ सरकार बनाउने योजना सहित जुटेका छन् । ती नेकपाका दुवै समुहले नेपाली काँग्रेसलाई विश्वासमा लिएर आफ्नो नेतृत्वमा नयाँ सरकार बनाउने योजनामा रहेका छन् ।
नेकपा दुवै समुहले आ–आफ्नो पक्षमा लभिङ शुरु गरेपनि नेपाली काँग्रेस भने नेकपा औपचारिक रुपमा विभाजन नभएसम्म पर्ख र हेर को अवस्थामा बसेको छ । नेपाली काँग्रेसले आवश्यक पर्दा उचित समयमा निर्णय लिने जनाएको छ ।
प्रतिनिधिसभा बैठक भोली आइतवार अपराह्न ४ बजे बस्ने भएको छ ।

Facebook Comments Box

  •  
  •  
  •  
  •  
  •  
  •  
  •  
ad ad