चालकले खुट्टामा जुत्ता नलगाए प्रहरीले कारवाही गर्ने

प्रदेश ३ समाज
  •  
  •  
  •  
  •  
  •  
  •  
  •  

रामेछाप । जिल्ला भित्र सबारीसाधन गुडाउने चालकहरुले अनिवार्य रुपमा खुट्टामा जुत्ता नलगाए ट्राफिक प्रहरीले कारवाही गर्ने भएको छ ।
यसअघि सवारी चालकहरुले खुट्टामा जुत्ता नलगाई चप्पल लगाएर सवारीसाधन चलाउँदा धेरै दुर्घटना भएको निष्कर्ष ट्राफिक प्रहरीले निकालेर यसलाई रोक्न प्रहरीले यो अभियान चलाउनले भएको हो । चप्पल लगाएर सवारी चलाउँदा चालकहरुको खुट्टामा पसिना आउँने, पसिनाले चिप्लेर सवारीसाधनको ब्रेक नलाग्ने र ब्रेक लगाउन खोज्दा ब्रेकमा नै चप्पल अड्किने र सवारीसाधन दुर्घटना हुने भएकाले यसलाई रोक्न प्रहरीले चालकलाई चप्पल लगाउन रोक लगाउन खोजेको हो ।
जिल्ला ट्राफिक प्रहरीले मगंलवार देखी आगामी पाँचदिनसम्म सवारीसाधन चलाउने चालकहरुलाई सवारीसाधन चलाउँदा अनिवार्य रुपमा खुट्टामा जुत्ता लगाएर मात्रै सवारीसाधन चलाउन अनुरोध गर्ने भएको छ । चालकले चप्पलको भरमा सवारीसाधन चलाउँदा हुने दुर्घटनाको जोखिमको बिषयमा चालकहरुलाई सचेतना गर्ने र खुट्टामा जुत्ता अनिवार्य लगाउनु पर्ने बिषयमा जानकारी गराइने जिल्ला ट्राफिक प्रहरी कार्यालय रामेछापका प्रमुख रामेश्वर पाण्डेले जानकारी दिए ।
उनले भने– जिल्लामा चल्ने साना तथा ठूला सवारीसाधनका चालकहरुले अनिवार्य रुपमा खुट्टामा जुक्ता लगाउनु पर्नेछ । प्रहरीले चेकजाँचको क्रममा जुक्ता नलगाई सवारीसाधन चलाएको भेटिएमा आवश्यक कारवाही गर्ने छ ।

Facebook Comments Box

  •  
  •  
  •  
  •  
  •  
  •  
  •  
ad ad