ऐच्छिक बचत संस्थाको आयोजनामा बृहत रक्तदान कार्यक्रम सम्पन्न

समाज स्वास्थ्य

काठमाण्डौं । “रक्तदान जीवन दान” भन्ने मुल नाराका साथ ऐच्छिक बचत तथा ऋण सहकारी संस्था लिमिटेड, प्युखा न्यूरोड काठमाण्डौंले आयोजना गरेको बृहत रक्तदान कार्यक्रम आइतवार सम्पन्न भएको छ ।
संस्थाले गरेको रक्त दान कार्यक्रममा विभिन्न १ सय २५ जना व्यक्तिले रगत दान गरेका छन् । संस्थाले काठमाण्डौंका विभिन्न अस्पतालका बेडमा उपचाररत बिरामीहरुले रगत अभावमा भौतारिनु नपरोस् र बिरामीको आफन्तले सहजै रगत पाउन सकुन भन्ने उद्धेश्यले रक्तदान कार्यक्रमको आयोजना गरिएको ऐच्छिक बचत तथा ऋण सहकारी संस्था लिमिटेडका अध्यक्ष भरत चौलागाईले जानकारी दिए ।


ऐच्छिक बचत तथा ऋण सहकारी संस्थाले गरेको एकदिने रक्तदान कार्यक्रममा सह–आयोजकको रुपमा गौतम चौलाई एकता समाज, नवटाकुरा बचत तथा ऋण सहकारी संस्था लिमिटेड, पिपुल्स होल्डिङ्ग एण्ड सप्लार्यस कम्पनी प्रा.लि. र ऐच्छिक महिला समुह समेत सहभागीता रहेको थियो । संस्थाले विभिन्न समयमा वचत संकलनको अलावा विभिन्न सामाजिक क्षेत्रमा समेत काम गर्दै आएको छ ।

Facebook Comments Box

ad ad