सैपुमा अन्तर माबि भलिबल प्रतियोगीता हुने

अर्थ खेलकुद

रामेछाप । जिल्लाको लिखु तामाकोशी गाउँपालिका वडा नं–२ सैपुमा रहेको अरुणोदय माध्यमिक विद्यालय फेदीको आयोजनामा यहीँ फागुन २४ गतेदेखी २७ गतेसम्म लिगकम नग आउटको आधारमा छात्र भलिबल प्रतियोगीता हुने भएको छ ।
विद्यालय परिषरमा निमार्ण भएको चार कोठे भवनको उद्घाटन कार्यक्रमको अवसर पारेर भलिबल प्रतियोगीताको आयोजना गरिएको हो । विद्यालयले आयोजना गरेको उक्त भलिबल प्रतियोगीतामा २ लाख भन्दा बढीको पुरस्कार राशी रहेको छ । सो खेलमा रामेछाप जिल्लाको अलाबा छिमेकी जिल्ला ओखलढुङ्गका सामुदायिक विद्यालयलाई समेत समेट्ने गरि कार्यक्रम तय गरिएको अरुणोदय माध्यमिक विद्यालयका प्रधानाध्यापक सन्तोष पौडेलले जानकारी दिए ।
उनले भने– हामीले रामेछापका अधिकासं सामुदायिक विद्यालय र छिमेकी जिल्ला ओखलढुङ्गाका केही सामुदायिक विद्यालयहरुलाई समेत समेट्ने योजनामा छौं । विद्यालयले पहिलो पटक आयोजना गरेको भलिबल प्रतियोगीताको पुरस्कार राशि जिल्लामा सञ्चालित प्रतियोगीता मध्येकै सर्वाधिक राशिको रहेको प्रध्यानाध्यापक पौडेलले दाबी छ ।
भलिबल प्रतियोगीतामा प्रथम हुने टिमलाई १ लाख, द्धितिय टिमलाई ५० हजार र तृतीय हुने टिमलाई ३० हजार नगद सहित शिल्ड, मेडल, प्रमाण–पत्र र सात्वना हुने टीमलाई १५ हजार नगद, मेडल र प्रमाण–पत्र प्रदान गरिने भएको छ । त्यस्तै प्रतियोगीतामा ब्लकर, सेटर, स्पाइकर, डिफेन्डर। सर्वर, वेष्ट प्लेयरका उत्कृष्ठ खेलाडीलाई पनि ५÷५ हजारका दरले नगद पुरस्कार प्रदान गरिने अरुणोदय माध्यमिक विद्यालयका खेल शिक्षक अनिष राउतले जानकारी दिए ।
उनले भने– प्रतियोगीतामा ९ जना खेलाडी, टिम कोच र खेल शिक्षक उपस्थित हुनुपर्ने प्रावधान राखिएको छ । भलिबल प्रतियोगीतामा कक्षा १२ सम्मका विद्यार्थी मात्र सहभागी हुने प्रावधान राखिएको छ । प्रतियोगीतामा सहभागी हुने विद्यालयले टिम दर्ता शुल्क बापत रु. ५ हजार रुपैयाँ बुझाउनु पर्ने प्रावधान राखिएको छ ।


भलिबल खेल नेपालको राष्ट्रिय खेल भइसक्दा पनि यसको अझै प्रचारप्रसार र संरक्षण हुन नसकेको भन्दै खेलकूदको विकास गर्न राज्य स्तरवाट नसकीरहेको अवस्थामा एक सामुदायिक विद्यालयले खेलकुदको माध्यमवाट खेलाडी उत्पादन गर्न सक्ने हेतुले बिद्यालयले खेलकुद प्रतियोयीताको आयोजना गरिएको विद्यालय श्रोतले जनाएको छ ।

Facebook Comments Box

ad ad