रामेछाप । रामेछापका युवा व्यवसायी श्री प्रथमा मनी ट्रान्सफर (आइएमई) का संचालक एवं रामेछाप उद्योग वाणिज्य संघका सचिव सुरेश उदास उत्कृष्ठ व्यवसायिक साझेदार सम्मान कार्यक्रमवाट बुधबार सम्मानित भएका छन् ।
बागमती प्रदेशभरका ३ हजार ७ सय एजेन्टहरुलाई आइएमई सेन्टर रामेछापका संचालक उदासले उछिन्दै उत्कृष्ठ एजेन्टको रुपमा काम गरेको भन्दै आइएमई ग्रुपका अध्यक्ष एवं नेपाल उद्योग वाणिज्य महासंघका बरिष्ठ उपाध्यक्ष चन्द्रप्रसाद ढकालले आइएमई केन्द्रिय कार्यालयले आयोजना गरेको व्यवसासयिक साझेदार सम्मान कार्यक्रमवाट युवा व्यवसायी उदासलाई सम्माति गरेका हुन् ।
बिगत लामो समयदेखी जिल्ला सदरमुकाम मन्थलीमा रहेर नागरिकहरुलाई सहज तरिकाले आर्थिक कारोवारको क्षेत्रमा सहयोगी भुमिका खेल्दै आएको श्री प्रथमा मनी ट्रान्सफर (आइएमई)ले कोरोना महामारीको समयमा पनि नागरिकहरुलाई सस्तो, सुलभ र भरपर्दो सेवा उपलव्ध गराएको थियो । यस्तै गत वर्ष २०७६ मा पनि नेपालभरका आइएमएई सेन्टर मध्ये टप दश भित्र पर्न सफल भई श्री प्रथमा मनी ट्रान्सफर मन्थलीका संचालक उदासले इन्डोनिसियाको बलीको भ्रमण गर्ने अवसर प्राप्त गरेका थिए ।
गएको एक आर्थिक वर्ष २०७६÷०७७ मा मात्रै श्री प्रथमा मनी ट्रान्सफर (आईएमई) मार्फत वैदेशिक रोजगारमा गएकाहरुले कुल १७ करोड रुपैयाँ बराबरको रेमिट्यान्स भित्रयाउन सफल भएका छन् । त्यसैगरी आइएमई मार्फत नेपाल भित्रको आन्तरिक कारोवार तर्फ ४६ करोड रुपैयाँ बराबरको आर्थिक कारोवार गर्न सफल भएको थियो ।
आइएमई रामेछापले रेमिटान्सको क्षेत्रमा गरेको कामको उच्च मूल्याङ्कन गर्दै केन्द्रिय संचालक समितिले बागमती प्रदेश भरका एजेन्टहरु मध्ये आइमई सेन्टर मन्थलीलाई सम्मानित गरेकोमा आफुलाई निकै खुशी लागेको श्री प्रथमा मनी ट्रान्सफरका संचालक सुरेश उदासले जानकारी दिए ।
उनले भने– आइएमई सेन्टर सम्मानित हुनुमा यस संस्था मार्फत आर्थिक कारोवार गर्नुहुने ग्राहकवर्ग र आफ्ना कर्मचारीहरुको समेत ठूलाे हात रहेकाे हात रहेको छ । आगामी दिनमा आईएमई सेन्टरलाई अझै थप सहज र सरल तरीकाले ग्राहक वर्गलाई सेवा पुर्याउने हिसावले काम गर्ने बताए ।
